დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

აჭარის საზოგადოებრივი ჯანდაცვის ცენტრის ხელმძღვანელის, რუსუდან შავიშვილის განცხადებით, ბათუმში დაფიქსირებული 21 ახალი შემთხვევიდან 1 იუსტიციის სახლის თანამშრომელია. დროებით დაწესებულება მუშაობას აჩერებს.

"გუშინ ღამით მოხდა შენობის დეზინფექცია, დამუშავება. მოიაზრება დაახლოებით ყველა თანამშრომლის ტესტირება. ვისაც დაუდასტურდება რომ არის ნეგატიური და ყველაზე ნაკლებ შემხებლობაში იყო ამ ადამიანთან, ისინი გააგრძელებენ მუშაობას",— განაცხადა შავიშვილმა.

შავიშვილის თქმით, ახალი შემთხვევებიდან 3 ე.წ. ხოფის კლასტერია, 2-ის წყარო უცნობია, დანარჩენი კი უკვე დადასტურებული შემთხვევების კონტაქტებია. მისივე თქმით, შემთხვევების უმეტესობა ასიმპტომურია და მძიმე პაციენტები არ ჰყავთ.

ინფექციური საავადმყოფოს სამედიცინო დირექტორის, მარინა ეზუგბაიას თქმით, აჭარის რეგიონში მდგომარეობა სერიოზულია და იგი უკვე წითელ ზონადაა გამოცხადებული. მისივე განცხადებით, იქ, ალბათ, დამატებითი ღონისიებების გატარება იქნება საჭირო.

8 სექტემბრის მონაცემებით, საქართველოში კორონავირუსის 45 ახალი შემთხვევა გამოვლინდა, 6 ადამიანი გამოჯანმრთელდა. მათგან, ეზუგბაიას თქმით, 23 შემთხვევა აჭარაში გამოვლინდა, 5 კი თბილისში ფართომასშტაბიან ქორწილს უკავშირდება.

ჯამში, საქართველოში კორონავირუსის დადასტურებულ შემთხვევათა რაოდენობა 1 729-მდე გაიზარდა, ამათგან 1 321 უკვე გამოჯანმრთელდა, 19 კი გარდაიცვალა. კარანტინის რეჟიმში იმყოფება 5 882, სტაციონარში მეთვალყურეობის ქვეშ კი — 390.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: