დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

2 სექტემბრის მონაცემებით, საქართველოში კორონავირუსის 38 ახალი შემთხვევა გამოვლინდა, გამოჯანმრთელებულთა რიცხვი კი 17-თ გაიზარდა. მონაცემები StopCov-ზე განახლდა.

აღსანიშნავია, რომ ეს 16 აპრილის შემდეგ ყველაზე მაღალი მაჩვენებელია.

თბილისის ინფექციური საავადმყოფოს სამედიცინო დირექტორის, მარინა ეზუგბაიას ინფორმაციით, 38 ინფიცირებულიდან 22 ბათუმში, საკონდიტრო დონას კლასტერიდანაა, 7 აქამდე დადასტურებულ შემთხვევებთან კონტაქტია, 4 იმპორტირებულია, საიდანაც 2 სატვირთო ავტომობილის მძღოლია, ხოლო 5 ინფიცირებულის წყარო არ იციან და მიმდინარეობს კვლევა კონტაქტების მოძიების მიზნით.

ეზუგბაიას თქმით, ამ დროისთვის სამედიცინო დაწესებულებებში სულ 251 ინფიცირებული მკურნალობს, მათ შორის რეანიმაციაშია 3 კრიტიკულად მძიმე დ 15 მძიმე პაციენტი, სხვების მდგომარეობა საშუალო და საშუალოზე მსუბუქია.

ჯამში, საქართველოში კორონავირუსის დადასტურებულ შემთხვევათა რაოდენობა 1 548-მდე გაიზარდა, გამოჯანმრთელებულია 1 270 ადამიანი, გარდაცვლილი კი — 19. კარანტინის რეჟიმში რჩება 6 059 პირი, სტაციონარში მეთვალყურეობის ქვეშ კი 239 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: