აქციები თავისუფლებისთვის და კონტრაქცია ლუკაშენკოსთვის — პროტესტის მე-11 დღე ბელარუსში
ბელარუსში მე-11 დღეა არ წყდება საპროტესტო აქციები, რომელთა მთავარი მოთხოვნა "დიქტატორისგან გათავისუფლებაა". აქციაზე შეკრებილი ათასობით ადამიანი სამართლიან არჩევნებს ითხოვს და არ აღიარებს, რომ 8 აგვისტოს გამართულ არჩევნებში მოქმედმა პრეზიდენტმა, ალექსანდრე ლუკაშენკომ გაიმარჯვა.
დემონსტრანტებს ლუკაშენკო სპეცრაზმით, ჯარით, რეზინისა და ნამდვილი ტყვიებით პასუხობს, ხან პროპაგანდისტულ ვიდეოებს უვრცელებს სახელისუფლებო არხებზე, ხან კი მის მხარდამჭერ აქციებს აორგანიზებს. დარბევის, დაკავებების, დაშინებისა და ზეწოლის მიუხედავად პროტესტის მასშტაბები იზრდება და აქციის მონაწილეებს უერთდებიან, როგორც სახელისუფლებო მედიის ჟურნალისტები, ასევე, ფაბრიკა-ქარხნებში დასაქმებულები.
პროტესტის მე-11 დღე
დამოუკიდებელი გამოცემა TUT.BY-ს ინფორმაციით, მინსკში მილიციამ დილიდანვე დაიწყო აქციის მონაწილეებისთვის ხელის შეშლა. კერძოდ, გამოცემა აცხადებს, რომ ერთ-ერთი ქარხნის თანამშრომლები გაფიცვას აპირებდნენ, თუმცა ომონმა მათ გზა გადაუკეტა და რამდენიმე პირი დააპატიმრა კიდეც.
დღის განმავლობაშის სხვადასხვა გამოცემები და აქტივისტები ავრცელებდნენ ინფორმაციას იმის შესახებ, რომ ომონი ჩნდებოდა ყველა დაწესებულებასთან, სადაც დასაქმებულებს გაფიცვა ჰქონდათ დაგეგმილი. მათ შორის, ერთ-ერთი რადიოკომპანიის გაფიცული თანამშრომლების სია წინასწარ შეამოწმეს და ტერიტორიაზე შესვლის უფლება არც მათ, არც დემონსტრანტებს მისცეს.
როგორც უკვე აღვნიშნეთ, ლუკაშენკოს რეჟიმი ყველა შესაძლო გზას იყენებს დემონსტრანტებისთვის ხელის შესაშლელად და პროტესტის ჩასახშობად. მაგალითად, აქტივისტების ინფორმაციით, გადაღებეს ახალდახატული დიჯეების გრაფიტი, რომლებმაც პროტესტის სიმბოლოდ ქცეული, ვიქტორ ცოის სიმღერა შეასრულეს.
მათივე ინფორმაციით, ლუკაშენკოს პრესსამსახურთან დაკავშირებულ ტელეგრამგვერდზე გამოჩნდა სტიკერები, რომლებიც პრეზიდენტის მხარდასაჭერადაა შექმნილი და მას ქვეყანაში დარჩენას სთხოვს.
იგივე მოწოდებებს აჟღერებდნენ კონტრაქციაზეც, სადაც ლუკაშენკოს მხარდასაჭერად იყვნენ შეკრებილები. ხალხი, რომელიც პროსახელისუფლებო მესიჯებს აჟღერებდა, აფრიალებდა საბჭოთა დროშას და ატარებდა საბჭოთა სიმბოლიკას.
პარალელურად, სახელისუფლებო მედიებში გადიოდა პროპაგანდისტული ვიდეორეკლამები, რომელთა მიზანი მოასხლეობაში შიშის დანერგვაა იმაზე, თუ როგორ მომავალს პირდება მათ ლუკაშენკოს მთავარი კონკურენტი სვეტლანა ტიხანოვსკაია.
ლუკაშენკოს არაერთი მცდელობის მიუხედავად, ვრცელდება ფოტო და ვიდეოები, რომლებშიც ჩანს, რომ ათეულობით ფაბრიკა-ქარხნის თანამშრომელი გაიფიცა და მოქალაქეების პროტესტს შეუერთდნენ.
ნახეთ ფოტოები საპროტესტო აქციიდან:
დღეს ცნობილი გახდა, რომ ბელარუსში საავადმყოფოში გარდაიცვალა კაცი, რომელსაც აქციის მსვლელობისას ძალოვნებმა თავში ესროლეს. გარდაცვლილი გენადი შუტოვი 44 წლის იყო და მას თავში 11 აგვისტოს მსვლელობისას ესროლეს. ოჯახის წევრები თვითმხილველებზე დაყრდნობით ამბობენ, რომ გენადი არ იყო ჩართული სპეცრაზმელებთან კონფლიქტში და მშვიდად მიდიოდა. მათი ვარაუდით, გარდაცვლილს სახურავიდან ესროლეს.
ბელარუსში მიმდინარე მოვლენებზე დღეს ევროკომისიის საგანგებო სამიტიც შეიკრიბა, სადაც გადაწყდა, რომ ევროკავშირი ბელარუს ხალხს 53 მილიონს გამოუყოფს. ევროკავშირი არ აღიარებს საპრეზიდენტო არჩევნების შედეგებს მხარს უჭერს ბელარუსი ხალხის მოთხოვნას ჰქონდეთ ფუნდამენტური თავისუფლება და დემოკრატია.
მათივე განცხადებით, სანქციები დაუწესდება ყველა იმ პირს, ვინც ძალადობაში, რეპრესიებსა და არჩევნების გაყალბებაში მონაწილეობდა. ასევე, ევროკავშირი მხარს დაუჭერს ბელარუსში ხელისუფლების მშვიდობიან გადაცემას.
საერთაშორისო საზოგადოებს გააქტიურებას ლუკაშენკო თავდასხმად აღიქვამს. ჯერ კიდევ ევროკავშირის გადაწყვეტილებამდე საკოორდინაციო საბჭოს სხდომაზე მან განაცხადა, რომ ქვეყნის საზღვრებზე ჯარები სამხედრო მზადყოფნაშია, რადგან აქვს ეჭვი, "შიდა და გარე კოორდინირებული" არეულობისა და თავდასხმის.
გარდა ამისა, ლუკაშენკომ დღეს ოპოზიციას დამცინავი პასუხი გასცა და მათი შექმნილი ალტერნატიული საბჭო, რომლის მიზანი ძაალუფლების მშვიდობიანად გადაბარებაა, შავ ასეულად მოიხსენია.
გაიგეთ მეტი: რა ხდება ბელარუსში
ბელარუსში მასობრივი საპროტესტო აქციები 9 აგვისტოდან მიმდინარეობს, რისი მიზეზიც საპრეზიდენტო არჩევნების შედეგები გახდა. არჩევნებზე მთავარი კონკურენტები სვეტლანა ტიხანოვსკაია და მოქმედი პრეზიდენტი ალექსანდრ ლუკაშენკო იყვნენ.
ცენტრალური საარჩევნო კომისიის თანახმად, ლუკაშენკომ ხმების 80% აიღო, ტიხანოვსკაიამ — 10%.
შედეგებს მოსახლეობის დიდი ნაწილი და ოპოზიცია არ აღიარებს და ლუკაშენკოს გაყალბებაში ადანაშაულებს. არჩევნების შედეგები არ აღიარა აშშ-მ, ირლანდიამ, კანადამ და ევროკავშირმა. ამავდროულად, ევროკავშირმა ლუკაშენკოს რეჟიმს სანქციები დაუწესა.
პრეზიდენტის არჩევასთან დაკავშირებული პროცედურის გამო გადადგა ბელარუსის მთავრობა, სამოქალაქო საზოგადოება კი "დიქტატორის" გადადგომას ითხოვს, თუმცა ლუკაშენკო მოქალაქეებს სპეცრაზმითა და ჯარის ძალით პასუხობს.
აქციებზე ცრემლსადენი გაზით, ხელკეტებით, წყლის ჭავლითა და რეზინის ტყვიებით დაშავდა ათასობით ადამიანი, დააკავეს შვიდი ათასზე მეტი. ბელარუსის ჯანდაცვის სამინისტროს ინფორმაციით, აქციებზე გარდაიცვალა 2 ადამიანი, თუმცა ქვეყნის შინაგან საქმეთა სამინისტრო მხოლოდ ერთის გარდაცვალებას ადასტურებს. გავრცელდა ვიდეოც, სადაც ჩანს, როგორ კლავენ აქციის ერთ-ერთ მონაწილეს.
ქვეყნის დატოვება მოუწია საპრეზიდენტო კანდიდატს, სვეტლანა ტიხანოვსკაიას. თავდაპირველად გავრცელდა ვიდეომიმართვა, რომელშიც მან მომიტინგეებს დანებებისკენ მოუწოდა. არსებობს ვარაუდი, რომ ეს ვიდეო დადგმულია და იძულებითაა ჩაწერილი. მეორე ვიდეომიმართვაში კი ტიხანოვსკაიამ განაცხადა, რომ მზად არის გახდეს ეროვნული ლიდერი და ბრძოლა გააგრძელოს.
ევროპული სახელმწიფოების საპირწონედ არჩევნების შედეგები აღიარა რუსეთმა და ოკუპირებულმა აფხაზეთმა. მეტიც, კრემლმა ბელარუსს კოლექტიური სწრაფი რეაგირების ძალების მეშვეობით დახმარება შესთვაზა აქციების დასაშლელად.
-
გადახედვაატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს ატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს
-
გადახედვავცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო ვცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო
-
გადახედვამეცნიერებმა ალმასი სულ რაღაც 150 წუთში შექმნეს მეცნიერებმა ალმასი სულ რაღაც 150 წუთში შექმნეს
-
გადახედვაLIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა LIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა
-
გადახედვა126 სამოქალაქო და მედიაორგანიზაცია ხელისუფლებასთან თანამშრომლობას წყვეტს 126 სამოქალაქო და მედიაორგანიზაცია ხელისუფლებასთან თანამშრომლობას წყვეტს
-
გადახედვაკროსვორდი: გამოიცანი ევროპის ქალაქი ღირშესანიშნაობით კროსვორდი: გამოიცანი ევროპის ქალაქი ღირშესანიშნაობით
-
-
გადახედვაჰაბლის მონაცემებში 1000-ზე მეტი ახალი ასტეროიდი აღმოაჩინეს ჰაბლის მონაცემებში 1000-ზე მეტი ახალი ასტეროიდი აღმოაჩინეს
-
გადახედვაშსს-მ დააკავა პირი, რომელმაც გარდაბანში თანასოფლელი მოკლა შსს-მ დააკავა პირი, რომელმაც გარდაბანში თანასოფლელი მოკლა
-
გადახედვანიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს ნიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს
-
გადახედვათვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა თვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა
-
გადახედვა"ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს "ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს
-
გადახედვაჯო ბაიდენმა TikTok-ის აკრძალვის კანონპროექტს ხელი მოაწერა ჯო ბაიდენმა TikTok-ის აკრძალვის კანონპროექტს ხელი მოაწერა
-
გადახედვატროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან ტროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან
-
გადახედვავენეციაში შესასვლელად €5 უნდა გადაიხადოთ ვენეციაში შესასვლელად €5 უნდა გადაიხადოთ
-
-
გადახედვარამ გამოიწვია ათენის ცის გასაოცარი მოწითალო შეფერილობა რამ გამოიწვია ათენის ცის გასაოცარი მოწითალო შეფერილობა
-
გადახედვაემა სტოუნს უნდა, თავისი ნამდვილი სახელი დავუძახოთ ემა სტოუნს უნდა, თავისი ნამდვილი სახელი დავუძახოთ
-
გადახედვახატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად ხატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად
-
გადახედვაროგორი ამინდი იქნება საქართველოში უქმეებზე როგორი ამინდი იქნება საქართველოში უქმეებზე
-
კომენტარები