26 მაისი — კავშირის ახალი ფორმა

საქართველოს ბანკის ინიციატივამ, რომელმაც ემიგრანტებს 26 მაისს, საქართველოს დამოუკიდებლობის დღეს, საკუთარ სამშობლოში ციფრულად ჩართვის საშუალება მისცა, გაარღვია მანძილი საქართველოსა და მის დიასპორას შორის. გარდა ემოციური მნიშვნელობისა, პროექტი მიზნად ისახავდა საზღვარგარეთ მყოფი თანამემამულეების თანაბარ ჩართულობას ქართულ სახელმწიფოებრივ დღესასწაულში.

26 მაისს, 18:00-დან 22:00 საათამდე, სპეციალურ პლატფორმა — aantedrosha.ge-ზე განთავსდა ღილაკი — აანთე საქართველოს დროშა. ღილაკის ერთი დაჭერით, მსოფლიოს ნებისმიერი კუთხიდან შესაძლებელი გახდა ფილარმონიის ეკრანზე საქართველოს დროშის ციფრულად ანთება. კამპანიის ფარგლებში საქართველოში მცხოვრებლებსაც შეეძლოთ ემიგრანტი ნათესავების მოწვევა — არა უბრალოდ მაყურებლად, არამედ თანამონაწილედ საერთო ზეიმის.

ფოტო: საქართველოს ბანკი

ფოტო: საქართველოს ბანკი

და ზუსტად 18 საათზე ფილარმონიის დიდი ეკრანი აინთო, არა მხოლოდ შუქით, არამედ მსოფლიოს სხვადასხვა კუთხიდან უხვად წამოსული გრძნობებით.
ციფრული მუხტი საზოგადოებრივ ერთობად იქცა.

იმ დღეს ფილარმონია აღარ იყო მხოლოდ მონუმენტური შენობა თბილისში. ის გახდა სივრცე, სადაც საქართველოს ფარგლებს გარეთ მცხოვრებმა ათასობით ქართველმა პიქსელებად გაწყობილ დროშაში საკუთარი პატრიოტიზმი აანთო.

"გვინდა, დავაფასოთ ემიგრანტების წვლილი ქვეყნის ცხოვრებაში და შევახსენოთ, რომ ისინი კვლავ აქ არიან — შუქად, სითბოდ, დროშის ნაწილად", — აცხადებენ საქართველოს ბანკში.

მათთვის, ვინც წლების განმავლობაში ვერ შეძლო 26 მაისს თბილისის ქუჩების ხმაურში დროშით ხელში გასეირნება, ეს კამპანია გახდა — მოგზაურობა შინ — სინათლის საშუალებით.

ფოტო: საქართველოს ბანკი

პერფორმანსის შედეგად, ღამის თბილისში მსოფლიოს სხვადასხვა კუთხეში მიმოფანტული ქართველების სიმბოლური კავშირი შედგა.

"შენთან ვარ — გულით"

საქართველოს ბანკის ეს კამპანია ტექნოლოგიის, ემოციისა და ეროვნული იდენტობის ზეიმად იქცა. მარტივი ღილაკი — დიდი აზრით.