ნაციონალური მოძრაობის წევრი და გაერთიანებული ოპოზიციის სამგორის მაჟორიტარობის კანდიდატი, ლევან ხაბეიშვილი ამბობს, რომ ქართული ოცნების მაჟორიტარობის წარდგენისას ეგონა, 90-იანი წლების საქართველოს ნაკრებს აცხადებდნენ.

"კადნიდადეტებს რომ აცხადებდნენ, მეგონა, 90-იანი წლების საქართველოს ეროვნული ნაკრების გუნდს კითხულობდა, იქ კობიაშვილი, ყაველაშვილი და შაბაშებს რომ აძლევენ რესტორნებში კიდე ის ადამიანები ამოიკითხეს, სუბარი და ასეთი ხალხი. ეს ადამიანები ანგარიშვალდებულები არიან პირადად ბიძინა ივანიშვილთან", — განაცხადა ფორმულანიუსთან ხაბეიშვილმა.

დღეს, 20 ივლისს ქართულმა ოცნებამ მაჟორიტარი დეპუტატობის კანდიდატები წარადგინა. მაჟორიტარების სიაში მოხვდნენ ოცნების, როგორც ძველი, ასევე, ახალი სახეები, მათ შორის ქალი მხოლოდ ერთია. მაჟორიტარად არ წარდუგენიათ იმ დეპუტატების ნაწილი, რომლებმაც მაჟორიტარული სისტემის უპირატესობის მოტივით პროპორციულს კანონპროექტი ჩააგდეს.

გაიგათ მეტი "ოცნების" მაჟორიტარების წარდგენაზე:

შეგახსენებთ, რომ მას შემდეგ, რაც მმართველი გუნდის ლიდერმა, ბიძინა ივანიშვილმა პირობა არ შეასრულა და პროპორციული საარჩევნო სისტემის კანონპროექტი ჩავარდა, ოპოზიცია ბოიკოტის რეჟიმში გადავიდა. საპროტესტო აქციების, პარლამენტის პიკეტირებების, აქციების დაშლისა და ფასილიტატორი ელჩების ჩართვის შემდეგ, ოპოზიცია და მმართველი გუნდი ახალ "თითქმის პროპორციულ" საარჩევნო სისტემაზე შეთანხმდა, რომლის მიხედვითაც პარლამენტში საარჩევნო სიით 120 დეპუტატი შევა, 30-ს კი მაჟორიტარულ ოლქებში აირჩევენ. საპარლამენტო არჩევნები 2020 წლის ოქტომბერში სწორედ ამ სისტემით ჩატარდება.