რამდენად მნიშვნელოვანია საზოგადოებრივი აზრის ობიექტური კვლევა – ილიას სახელმწიფო უნივერსიტეტმა USAID-თან ერთად ფორუმს უმასპინძლა
მოქალაქეზე ორიენტირებული დემოკრატიის განვითარება საზოგადოებრივი აზრის გამოკითხვის გარეშე შეუძლებელია. ამ და სხვა თემებზე სასაუბროდ USAID საქართველომ და ილიას სახელმწიფო უნივერსიტეტმა საერთო ფორუმი გამართეს, რომელსაც აშშ-ის ელჩი კელი დეგნანი, ბრიტანეთის ელჩის მოადგილე კლეარ ოლბლესი, საქართველოს პარლამენტის სპიკერი არჩილ თალაკვაძე და ილიას სახელმწიფო უნივერსიტეტის რექტორი გიგა ზედანია ესწრებოდნენ.
ფორუმი განხორციელდა USAID-ის ადამიანური და ინსტიტუციური განვითარების პროგრამა (HICD 2020) USAID-ის არჩევნებისა და პოლიტიკური პროცესების პროგრამასთან თანამშრომლობით. ეს უკანასკნელი წარმოადგენს ამერიკის მთავრობის დახმარებას საქართველოს საარჩევნო და პოლიტიკური პროცესების გაუმჯობესებისთვის 2020 და 2021 წლების საარჩევნო პერიოდში და მის შემდგომ.
შეერთებული შტატების ელჩმა საქართველოში, კელი დეგნანმა ფორუმის გახსნით ნაწილში არაპარტიული, ხარისხიანი კვლევების მნიშვნელობაზე ისაუბრა:
"მოხარული ვარ, რომ ვმონაწილეობ საზოგადოებრივი აზრის კვლევის ფორუმის პირველ სესიაში. პროექტის მთავარი მიზანი არაპარტიული, დამოუკიდებელი საზოგადოებრივი აზრის კვლევის ორგანიზაციების წარმოჩენაა, ასევე სამუშაო შეხვედრების შედეგად ეთიკის და ქცევის კოდექსის ჩამოყალიბება და რაც მთავარია მოსახლეობის ცნობიერების გაზრდა საზოგადოებრივი აზრის კვლევის მნიშვნელობასთან დაკავშირებით. ობიექტური აზრის კვლევა მოქალაქეებს საშუალებას აძლევს მათი აზრი, პრობლემა და დამოკიდებულება უკეთ იქნას წარმოდგენილი", — განაცხადა კელი დეგნანმა
ილიას სახელმწიფო უნივერსიტეტის რექტორმა, გიგა ზედანიამ იმედი გამოთქვა, რომ პროფესიონალ ექსპერტებთან საერთო დისკუსიების შედეგად შეიმუშავებენ გარკვეულ ინსტრუქციებს, რაც კვლევების ხარისხის გაუმჯობესებისთვის მნიშვნელოვანია — "მოვახერხეთ ამერიკიდან და მსოფლიოდან საუკეთესო ექსპერტების მოწვევა, რაც ძალიან საინტერესო იქნება პროფესიული საზოგადოებისთვის. იქნება დისკუსია პროფესიულ და ეთიკურ სტანდარტებზე, რომლის საშუალებითაც უნდა მოხდეს კვლევა, იქნება ეს გამჭვირვალობა თუ გამოკითხულთა ვინაობის დაცვა. დარწმუნებული ვართ, დისკუსიების სერიის შედეგად ჩვენ მივიღებთ გარკვეულ ინსტრუქციებს, რომელიც დაეხმარება საზოგადოებას უკეთ იყოს ინფორმირებული იმ პროცესების შესახებ, რომლებიც მიმდინარეობს, ასე მივიღებთ კვლევის ხარისხის გაუმჯობესებას".
მისივე თქმით, ყველაზე აშკარა ხარვეზი, რაც საზოგადოებრივი აზრის კვლევის ინსტიტუტებს საქართველოში აქვთ, ნდობის ნაკლებობაა, რომელსაც საზოგადოების არაინფორმირებულობა იწვევს — "საზოგადოების დიდმა ნაწილმა არ იცის, როგორ ტარდება ეს კვლევები, რა პრინციპებს ემყარება, რა არის მათი ფუნქცია, რისი გაზომვა შეიძლება და რისი — არა. პირველი, რაც უნდა გაუმჯობესდეს, დაინტერესებული საზოგადოების ნაწილისთვის მეტი ინფორმაციის მიწოდებაა. მეორე ნაწილია, არის თუ არა გამჭვირვალობა ყოველთვის დაცული, ვინ დაუკვეთა, სწორად ვრცელდება თუ არა შედეგები. სწორად გავრცელება, დღეს დამოკიდებულია ცალკეული ორგანიზაციების გადაწყვეტილებებზე, ამას არავინ აკრძალავს, მაგრამ თუ შევთანხმდებით ეთიკურ პრინციპებზე, რომელმაც პროცესი უნდა დაარეგულიროს, გვეცოდინება, ვინ აკეთებს ხარისხიან, სანდო კვლევას და ვინ იძლევა რეალურ შედეგებს". — ამატებს გიგა ზედანია.
საზოგადოებრივი აზრის კვლევის შესახებ დაწყებულ დისკუსიებში მონაწილეობდნენ საქართველოს მოწინავე კვლევითი ორგანიზაციები:
- ანალიზისა და კონსულტაციის ჯგუფი (ACT)
- კავკასიის კვლევითი რესურსების ცენტრი (CRRC)
- საქართველოს საზოგადოებრივი აზრისა და ბიზნესის კვლევის საერთაშორისო ცენტრი (GORBI)
- სოციალური კვლევისა და ანალიზის ინსტიტუტი (ISSA)
- IPM Research
ფორუმმა კვლევით ორგანიზაციებს საშუალება მისცა, ერთმანეთისთვის გამოცდილება გაეზიარებინათ და დაინტერესებული მხარეებისთვის გაეცნოთ საზოგადოებრივი აზრის კვლევის მნიშვნელობა მოქალაქეების მიმართ ანგარიშვალდებული მმართველობის განვითარებისათვის.
დისკუსიების შედეგად სამოქმედო ინსტრუქციები, ეთიკის სტანდარტები უნდა შემუშავდეს, რომლებიც სარეკომენდაციო ხასიათის იქნება და ქვეყანაში არსებულ კვლევით ინსტიტუტებს გააერთიანებს, რათა სფეროს სწორი მიმართულებით განვითარება მოხდეს. გამჭვირვალე კვლევითი პროცესი და წესები, რომლებიც კვლევით ორგანიზაციების გააერთიანებს, ფორუმის ორგანიზატორების აზრით, სამომავლოდ საზოგადოების მხრიდან ნდობის ჩამოყალიბებას შეუწყობს ხელს.
-
გადახედვაკროსვორდი: გამოიცანი ევროპის ქალაქი ღირშესანიშნაობით კროსვორდი: გამოიცანი ევროპის ქალაქი ღირშესანიშნაობით
-
-
გადახედვაჰაბლის მონაცემებში 1000-ზე მეტი ახალი ასტეროიდი აღმოაჩინეს ჰაბლის მონაცემებში 1000-ზე მეტი ახალი ასტეროიდი აღმოაჩინეს
-
გადახედვაშსს-მ დააკავა პირი, რომელმაც გარდაბანში თანასოფლელი მოკლა შსს-მ დააკავა პირი, რომელმაც გარდაბანში თანასოფლელი მოკლა
-
გადახედვამანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა მანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა
-
გადახედვასანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო სანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო
-
გადახედვანიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს ნიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს
-
გადახედვათვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა თვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა
-
გადახედვაჯო ბაიდენმა TikTok-ის აკრძალვის კანონპროექტს ხელი მოაწერა ჯო ბაიდენმა TikTok-ის აკრძალვის კანონპროექტს ხელი მოაწერა
-
გადახედვატროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან ტროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან
-
გადახედვავენეციაში შესასვლელად €5 უნდა გადაიხადოთ ვენეციაში შესასვლელად €5 უნდა გადაიხადოთ
-
გადახედვადააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს დააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს
-
გადახედვაორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე ორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე
-
-
გადახედვაემა სტოუნს უნდა, თავისი ნამდვილი სახელი დავუძახოთ ემა სტოუნს უნდა, თავისი ნამდვილი სახელი დავუძახოთ
-
გადახედვახატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად ხატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად
-
-
-
-
გადახედვადაკავებული აზერბაიჯანელი ჟურნალისტი ამბობს, რომ პოლიცია მას სცემს და აწამებს — რა ვიცით იმრან ალიევზე დაკავებული აზერბაიჯანელი ჟურნალისტი ამბობს, რომ პოლიცია მას სცემს და აწამებს — რა ვიცით იმრან ალიევზე
-
კომენტარები