დაავადებათა კონტროლის ეროვნული ცენტრის ხელმძღვანელის, ამირან გამყრელიძის თქმით, ტრანსპორტში კონდიცირებასთან დაკავშირებით ახალი გაიდლიანი არსებობს და შესაძლოა კონდინციონერის ჩართვა დასაშვები გახდეს. ამ თემაზე მან სპეციალურ ბრიფინგზე ისაუბრა.

"კონდინციონერებზე ახალი გაიდლაინი არსებობს და ალბათ, ყველა ამ გაიდლაინს უნდა მივყვეთ. ანუ უნდა იყოს იმ ავტობუსების ფანჯრები ღია, თუ ეს შესაძლებელია კონდიცირება ჩართული და ადამიანებს უნდა ეკეთოთ ნიღაბი", — თქვა ამირან გამყრელიძემ.

გამყრელიძემ აღნიშნა, რომ ევროპის დაავადებათა კონტროლის ცენტრმა ახალი სახელმძღვანელო გამოაქვეყნა, რომლის მიხედვითაც, თუ კონდინციონერი, ჰაერს შიგნით არ ატრიალებს, ღია ფანჯრების პირობებში საფრთხეს არ ქმნის.