ამერიკის შეერთებული შტატების სენატის საგარეო კომიტეტის თავმდჯდომარემ, ჯიმ რიშმა ეროვნული თავდაცვის აქტში შესატანი ცვლილება მოამზადა, სადაც ერთ-ერთ პუნქტად ნათქვამია, რომ 8 მარტის შეთანხმების მიუხედავად, გიორგი რურუა კვლავ წინასწარ პატიმრობაში რჩება.

დოკუმენტი ეხება საქართველოს დემოკრატიას, საარჩევნო და სასამართლო რეფორმას.

"საქართველოში არსებული ოპოზიციური პარტიების განცხადებით, ყველა პოლიტიკური პატიმრის — მათ შორის, ბატონი რურუას — გათავისუფლება წარმოადგენს წინაპირობას იმისთვის, რომ მხარი დაუჭირონ საარჩევნო კანონის შეთანხმებულ ცვლილებებს.

საარჩენო სისტემაში შეთანხმებული ცვლილებები კვლავ არასრულია იმის მიუხედავად, რომ საპარლამენტო არჩევნები 2020 წლის ოქტომბრის ბოლოსაა დანიშნული", — რიშის მიერ მომზადებულ დოკუმენტში.

ტექსტში საუბარია იმაზეც რომ სენატი ხელახლა ადასტურებს სურვილს აშშ-სა და საქართველოს შორის თანამშრომლობის გაგრძელებასთან დაკავშირებით, "თუ საქართველოს მთავრობა კვლავ გამოავლენს ამ რეფორმების გატარების გულწრფელ სურვილს".