ამერიკის შეერთებული შტატების ფინანსური მხარდაჭერით, თბილისში ბავშვთა სპეციალიზებული მცირე საოჯახო ტიპის სახლი გაიხსნა. დაწესებულებაში იცხოვრებენ შშმ ბავშვები.

"ეს მართლაც ძალიან მნიშვნელოვანი პროექტია. არამხოლოდ იმიტომ, რომ წარმოაჩენს თანამშრომლობას ჩვენს ქვეყნებს შორის, არამედ იმიტომ, რომ ის ემსახურება საზოგადოების ყველაზე უფრო მოწყვლად სეგმენტს.

ეს ადგილი გახდება სახლი იმ ობოლი ბავშვებისთვის, რომლებიც, ასევე, შეზღუდული შესაძლებლობების მქონე პირები არიან და მათ შეეძლებათ მიიღონ უმაღლესი ხარისხის მზრუნველობა, მათ შორის სამედიცინო მომსახურება", — განაცხადა ამერიკის ელჩმა, კელი დეგნანმა. (ტელეკომპანია იმედის თარგმანი)

ჯანდაცვის მინისტრის, ეკატერინე ტიკარაძის განცხადებით, დაწესებულებაში განთავსდებიან ის ბავშვები, რომლებიც ნუცუბიძის ქუჩაზე დიდი ზომის საცხოვრებელში ცხოვრობდნენ.