საქართველოში ამერიკის ელჩის, კელი დეგნანის განცხადებით, არჩევნები საქართველოსთვის არის შანსი, რომ მსოფლიოს დაანახოს რამდენად დემოკრატიულ გარემოში ჩატარდება კენჭისყრა. ამ თემაზე მან კომენტარი მთავარ არხთან გააკეთა.

"არჩევნები ძალიან მნიშვნელოვანი საკითხია, რომელსაც საერთაშორისო საზოგადოება ყურადღებით აკვირდება. საქართველოსთვის კი ეს იქნება შანსი დაანახოს მსოფლიოს რამდენად დემოკრატიულ გარემოში ჩაატარებს კენჭისყრას. ხელისუფლება თარიღის გადატანასთან დაკავშირებით გადაწყვეტილება ჯერ არ მიუღია, ისინი მხოლოდ ეპიდემიის მეორე ტალღის საშიშროების გამო საუბრობენ ამ საკითხზე", — თქვა კელი დეგნანმა.

ელჩმა აღნიშნა, რომ არჩევნები სამართლიან და თავისუფალ გარემოში უნდა ჩატარდეს.