საგარეო საქმეთა მინისტრის, დავით ზალკალიანის განცხადებით უკრაინაში საქართველოს ელჩის დაბრუნება არ გაიწლება. ამის შესახებ მან პარლამენტში ჟურნალისტებთან განაცხადა.

"თარიღს, როდის დაბრუნდება, ჩვენ განვსაზღვრავთ და მე მგონია, დიდხანს არ გაიწელება პროცესი", — განაცხადა მინისტრმა.

დავით ზალკალიანის განცხადებითვე, უკრაინის ხელისუფლების სხვადასხვა წარმომადგენლის მხრიდან საქართველოს მიმართ არამეგობრული განცხადებები მოისმინეს. ამასთან, ზალკალიანი ამბობს, რომ უკრაინასთან სტრატეგიული პარტნიორობის გადახედვას არ აპირებენ.