თბილისის პარლამენტის სხდომაზე, სადაც მთავრობის წევრებს ნაციონალურ მოძრაობის დეპუტატები ხვდებოდნენ, გიგა ბოკერიამ გიორგი კვირიკაშვილს ჰკითხა რას ფიქრობდა ბიძინა ივანიშვილის მიერ 2012 წელს გაცემულ დაპირებაზე, როდესაც ის მოსახლეობას მეოთხე საუკეთესო წელიწადს დაჰპირდა.

კვირიკაშვილმა ბოკერიას ურჩია, რომ ბიძინა ივანიშვილის საქმეების შესასწავლად ფონდ ქართუს საქმიანობისთვის გადაეხედა:

"რაც შეეხება ბიძინა ივანიშვილის დაპირებებს, რომ ის ჯიბიდან გადაიხდის ფულს, მე არ ვიცი , თქვენ ალბათ არ გნებავთ რომ დაინახოთ, ის, თუ რა თანხებს იხდის ბიძინა ივანიშვილი ჯიბიდან. მე არ ვიცი, თქვენ ალბათ არ გინდათ რომ დაინახოთ, რა თანხას იხდის ბიძინა ივანიშვილი ჯიბიდან ქვეყნის განვითარებისთვის, ანუ ქართუ ფონდის მეშვეობით. მოგიწოდებთ, რომ მოიკითხოთ ეს ინფორმაცია, თუ რა ხდება ქართუ ფონდის საქმიანობის მიმართულებით, რა პროექტებს აფინანსებენ როგორ კულტურული მემკვიდრეობის მიმართულებით, ასევე უნივერსიტეტის მშენებლობა, და ასე შემდეგ, და ასე შემდეგ".

2012 წელს, როდესაც ბიძინა ივანიშვილი საუბრობდა, თუ როგორი იქნებოდა ქართული ოცნების მმართველობის 4 წელიწადი ეკონომიკურად საზოგადოებისთვის. მან თქვა, რომ პირველი წელი იქნებოდა რთული, მეორე საგრძნობლად უკეთესი, მესამე წელიწადს ეკონომიკურ ზრდას მოსახლეობის დიდი ნაწილი საკუთარ ჯიბეზე და ოჯახში იგრძნობდა, ხოლო მეოთხე წელიწადი იქნებოდა "ძალიან კარგი".