ჯანდაცვის მინისტრის მოადგილის, თამარ გაბუნიას თქმით, კარგი ამბავია ის, რომ ტესტირებულთა რაოდენობა გაიზარდა, თუმცა დადასტურებულთა რაოდენობა მცირდება. მისი განმარტებით, ეს მიუთითებს, რომ საზოგადოებაში ინფექციის გავრცელებას ადგილი არ აქვს, რაც ასევე ძალიან კარგი ნიშანია.

გაბუნიას თქმით, სახელმწიფოს ტესტების კონკრეტული შეკვეთები უკვე დაწყებული აქვს რომ მარაგი დროულად შეივსოს და პრიორიტეტული ჯგუფების ტესტირებისთვის სტაბილური მარაგი იყოს.

მისივე თქმით, მუშაობენ, რომ დღეში 3 000 PCR ტესტი ჩატარდეს.

"სავალდებულო ჯგუფების მოცვისთვის თვის განმავლობაში დაახლოებით 50 ათასი PCR ტესტი უნდა ჩატარდეს. ამგვარი რაოდენობა ამ კონკრეტულ მომენში ქვეყანაში არის 2 თვის მარაგი. ასევე, ცოტა ხნის წინ 50 ათასი ანტიგენტესტი ჩამოვიდა ჩამოვიდა ქვეყანაში. განისაზღვრება ამ ტესტების გამოყენებისთვის ოპტიმალური მოდელი, რომელიც მეტად იქნება ორიენტირებული იმ ჯგუფებზე, სადაც გვჭირდება პასუხის მოკლე პერიოდში მიღება. ეს არ იქნება ჰოსპიტალური პაციენტები, რაც სტანდარტულ ტესტირებას დაექვემდებარება", — განაცხადა გაბუნიამ საზოგადოებრივ მაუწყებელთან.

ბოლო 24 საათში კორონავირუსით ინფიცირებულთა რიცხვი 3-ით გაიზარდა და საერთოდ რაოდენობა 626 გახდა, ხოლო კორონავირუსისგან კიდევ 9 ადამიანი გამოჯანმრთელდა და სულ გამოჯანმრთელებულთა რიცხვმა 297-ს მიაღწია.

ამდროისთვის ქვეყანაში COVID-19-ის გამო 10 ადამიანი გარდაიცვალა. კარანტინის რეჟიმში რჩება 4 702 ადამიანი, ხოლო სტაციონარში მეთვალყურეობის ქვეშ — 459.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: