მართალია, ბოლო პერიოდში სხვა ბევრის მსგავსად ვარსკვლავების რუტინაც შეიცვალა და დროის დიდ ნაწილს თვითიზოლაციაში ატარებენ, მაგრამ ხანდახან ისინი ონლაინ ჩართვებით მაინც გვახსენებენ თავს.

საკუთარი სახლიდან საჯაროდ გამოჩენის დროს კი ბევრმა მათგან წიგნებით სავსე გარემო აირჩია, რამაც დაკვირვებულ ბიბლიოფილებს საშუალება მისცა ცნობილი სახეების პირად ბიბლიოთეკაში შეეჭყიტათ და მათი ლიტერატურული გემოვნების შესახებ მეტ-ნაკლებად გაეგოთ.

New York Times-მა სწორედ მსგავსი ჩართვებიდან იმ წიგნების ჩამონათვალი შეაგროვა, რომლებსაც ვარსკვლავების სახლში გადააწყდებით.

პრინცი ჩარლზი — დიდი ბრიტანეთის სამეფო ოჯახის წევრი

1. ჯორჯ სტაბსი — ბასილ ტეილორი: მეთვრამეტე საუკუნის ინგლისელი მხატვრის ბიოგრაფია, რომელიც ცნობილია თავისი ცხენების გამოსახულებებით.

2. დამსხვრეული — დიკ ფრენსისი: დეტექტივების ცნობილი ინგლისელი მწერლის 2000 წელს გამოქვეყნებული რომანი.

3. მეფეები ბალახის ციხე-სიმაგრეებში — მერი დიურეკი: ავსტრალიური კლასიკური ლიტერატურის ნიმუში.

ენდი კოენი — ტელეწამყვანი

1. პატარა ცხოვრება — ჰანია იანაგიჰარა: ამერიკელი მწერლის 2015 წელს გამოქვეყნებული ბესტსელერი ოთხი ნიუიორკელი მეგობრის შესახებ.

2. პირდაპირი ეთერი ნიუ-იორკიდან — ჯეიმს ენდრიუ მილერი და ტომ შეილსი: ცნობილი ამერიკული გადაცემა Saturday Night Live-ის ისტორია.

3. თავისუფლება — ჯონათან ფრენზენი: გამორჩეული თანამედროვე ამერიკელი მწერლის 2010 წელს გამოქვეყნებული ცნობილი რომანი.

ემი პოლერი — მსახიობი

1. ნულოვანი დრო — კეროლინ კოჰეგენი: დისტოპიური რომანი, რომელშიც მიზოგინი კაცების მიერ მართული სამყაროა აღწერილი.

2. გაბრუებული — ნორმან ოლერი: 2017 წელს გამოქვეყნებული ეს წიგნი მეორე მსოფლიო ომის დროს ნაცისტურ გერმანიაში ნარკოტიკული საშუალებების მოხმარების შესახებ მოგვითხრობს.

3. პივსი — მაიკ ვან უისი: საბავშვო წიგნი მოზარდი ბიჭისა და მხიარული მონსტრების შესახებ.

ანა ვინტური — ჟურნალ Vogue-ის მთავარი რედაქტორი

1. The Nix — ნათან ჰილი: 2016 წელს გამოქვეყნებული რომანი, რომელიც გასული საუკუნის სოციალური სატირაა.

2. სახელების დასახელება — ვიქტორ ნავასკი: ამერიკელი ჟურნალისტის გამოძიება ჰოლივუდში პროკომუნისტური ძალების შესახებ.

პოლ რუდი — მსახიობი

1. ქცევის კოდექსი — ბრედ თორი: ამერიკელი მწერლის დეტექტივი ჯაშუშების შესახებ.

2. უჩინარი ჯუდი — თომას ჰარდი: 1895 წელს გამოქვეყნებული ბრიტანული კლასიკა, რომელიც მუშათა კლასის წარმომდგენლის ცხოვრების შესახებ მოგვითხრობს.

3. მონობის დღე — რობ თომასი: სერიალ Veronica Mars-ის სცენარისტის 1997 წელს გამოქვეყნებული რომანი

ქეით ბლანშეტი — მსახიობი

1. პოსტკაპიტალიზმი — პოლ მეისონი: 2015 წელს ბრიტანელი ჟურნალისტის მიერ გამოქვეყნებული წიგნი, რომელიც სხვადასხვა თეორიებზე დაყრდნობით თანამედროვე გლობალურ ეკონომიკურ სისტემას აფასებს;

2. მოსკოვი 1937 — კარლ შლოგელი: გერმანელი ისტორიკოსის წიგნი სტალინის რეჟიმის დროს საბჭოთა კავშირის ეკონომიკის შესახებ.

3. ოქსფორდის ლექსიკონი: ეს სერია 20 ტომს, 21,728 გვერდსა და 171,476 სიტყვის განმარტებას მოიცავს.