პრემიერ-მინისტრ გიორგი გახარიას თქმით, საელჩოსთან თანამშრომლობით, ამერიკის შეერთებული შტატებიდან 79 მოსწავლეს ჩამოიყვანენ. ჟურნალისტებთან საუბრისას გიორგი გახარიამ აღნიშნა ისიც, რომ სომეხ კოლეგებთან თანამშრომლობით აშშ-დან ჩამოიყვანენ, ასევე, 35 სომეხ მოსწავლეს.

"ფაქტობრივად, სპეციალური საშუალებებით გამოვიყვანთ იქედან. მშობლებაც გამოთქვეს ეს სურვილი. ხვალ, 10 აპრილს შედგება რეისი აშშ-დან დოჰაში. ამ რეისის უზრუნველყოფას თავის თავზეიღებს ამერიკული მხარე, ხოლო დოჰიდან თბილისში საქართველოს მთავრობა", — თქვა პრემიერმა.

საქართველოში კორონავირუსით ინფიცირების 3 ახალი შემთხვევაა და ჯამში ინფიცირებულთა რაოდენობა 214-მდე გაიზარდა.

დადასტურებულ შემთხვევებს შორის გამოჯანმრთელებულია 50 ადამიანი. ინფიცირებულებს შორის კი გარდაცვლილია 3 პირი. კარანტინის რეჟიმში 4 559 პირი რჩება, ხოლო, სტაციონარში მეთვალყურეობის ქვეშ 353 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: