დაავადებათა კონტროლის ცენტრის ცხელი ხაზი 116 001

ინფექციური საავადმყოფოს დირექტორის, თერგიზ ცერცვაძის თქმით, 10 მარტის საღამოს გამოვლენილი რვა ახალი შემთხვევებიდან, ერთ-ერთი დაინფიცირებული ვარაუდობს, რომ ვირუსი ფულის გამორთმევის დროს გადაედო. POSTV-ს ეთერში საუბრისას ცერცვაძე ჰყვება, რომ ამ დაინფიცირებულს კონტაქტი ჰქონდა უკვე ინფიცირებულ პირთან, რომელსაც გამოართვა ფული.

მოგვიანებით თენგიზ ცერცვაძემ ჟურნალისტენთან განმარტა, რომ იგი მხოლოდ დაინფიცირებული პირის ვარაუდს ეყრდნობა და ძნელია იმის დაზუსტებით თქმა, კონკრეტულ პაციენტს ფულით გადაედო ვირუსი, თუ საუბრის დროს:

"იგი ჩვენს საავადმყოფოში წევს და იყო კონტაქტში იტალიიდან ჩამოსულ ადამიანთან [პაციენტი #5-თან], ვისგანაც კიდევ სამი დასნებოვნდა. ორი ოჯახი იყო იტალიაში და მათგან ერთ-ერთის წარმომადგენელი არის პაციენტი #5. ახალი ინფიცირებული ამბობს, რომ რაღაც სამუშაო შეასრულა, რაშიც ფული აიღო და ვარაუდობს, რომ ამით გადაედო. ეს ზუსტად არავინ იცის".

კორონავირუსის დადასტურებული შემთხვევები საქართველოში 23-მდე გაიზარდა. კარანტინის რეჟიმში 126 ადამიანი რჩება, ხოლო სტაციონარში მეთვალყურეობის ქვეშ — 46 პაციენტია.

აქამდე, საქართველოში კორონავირუსით ინფიცირების 15 შემთხვევა იყო დადასტურებული. პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კი კორონავირუსი 2 პაციენტს დაუდასტურდა.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: