სადაზღვევო კომპანია იმედი L-ისთვის ერთ-ერთი პრიორიტეტული მიმართულება ავტოგაქირავების სექტორთან თანამშრომლობაა. სწორედ ამ მიზნით, იმედი L-მა უკვე შესთავაზა ავტოგაქირავების კომპანიებს მოქნილი და მათ ბიზნესზე მორგებული სადაზღვევო პირობები.

თანამშრომლობის მაგალითია Car Rent in Georgia-სთან დაწყებული პარტნიორობა, რომლის ფარგლებშიც, კომპანიის მიერ გაქირავებული ავტოტრანსპორტი დაზღვეულია იმედი L-ის შესაბამისი სადაზღვევო პოლისით. რიც გამოც, როგორც ავტომობილები, ისე ამ სერვისით მოსარგებლე ტურისტები უზრუნველყოფილნი არიან სადაზღვევო დაცვით, რაც საქართველოში უსაფრთხო და მშვიდ მგზავრობას უწყობს ხელს.

იმედი L-ის მიდგომა მიზნად ისახავს ავტოგაქირავების ბიზნესისთვის დამატებითი ღირებულების შექმნას — რისკების მართვის გამარტივებას, ავტოპარკის დაცვის გაუმჯობესებასა და მომხმარებლისთვის სანდო მომსახურების შეთავაზებას.

“ჩვენთვის, როგორც დაზღვევისთვის, რომლისთვისაც ყველაზე მნიშვნელოვანი კომპონენტი მომხმარებლის კომფორტია, მნიშვნელოვანია, რომ ყველა სექტორსა თუ ბიზნესს, მათზე მორგებული პირობები და თანამშრომლობა შევთავაზოთ. მიგვაჩნია, რომ ავტოგაქირავების სექტორისთვის დაზღვევა არა მხოლოდ ფორმალური მოთხოვნა, არამედ კონკურენტული უპირატესობაა, როგორც კომპანიებთან, ისე მომხმარებლებთან მიმართებაში. სწორედ ამიტომ ვფიქრობთ, რომ ამ სექტორში მომუშავე კომპანიებისთვის, საინტერესო უნდა იყოს დაზღვევასთან მჭიდრო თანამშრომლობა.“— ამბობენ იმედი L-ში.

კომპანია CAR RENT IN GEORGIA 2014 წელს დაარსდა და მას შემდეგ საქართველოს ავტოგაქირავებისა და ტურიზმის ბაზარზე წარმატებით ფუნქციონირებს. მისი მთავარი მიზანი მომხმარებლისთვის ყველაზე მოსახერხებელი პროდუქტის შექმნა და მათი ნდობის მოპოვებაა. CAR RENT IN GEORGIA გთავაზობთ ავტომობილების დაქირავების სერვისს თბილისსა და მთელი საქართველოს მასშტაბით.

“იმედი L-თან უკვე მრავალი წელია წარმატებით ვთანამშრომლობთ. ჩვენი ავტომობილების დაზღვევაც სწორედ იმედი L-ს ვანდეთ, რადგან მნიშვნელოვანია, რომ დაზღვევა რეალურ, პრაქტიკულ სარგებელს გთავაზობდეს. სფეროს სპეციფიკიდან გამომდინარე, სწორი დაზღვევა ბიზნესის გამართული მუშაობის ერთ-ერთი საფუძველია, შესაბამისად ეს თანამშრომლობა და მხარდაჭერა განსაკუთრებით დასაფასებელია.“ — ლაშა ბერეკაშვილი, CAR RENT IN GEORGIA-ს თანადამფუძნებელი.