დენიელ რედკლიფი, რომელსაც ყველაზე კარგად ჰარი პოტერის საკულტო როლით ვიცნობთ, ჯადოქრების სამყაროს უსაყვარლესი ფიგურაა. 2001 წელს ფილმში ჰარი პოტერი და ფილოსოფიური ქვა გამოჩენის დღიდან, რედკლიფმა გულშემატკივართა გულები მთელი მსოფლიოს ირგვლივ მოიგო.

ფოტო: Warner Bros.

ერთ-ერთ ბოლო ინტერვიუში 36 წლის მსახიობმა გაამხილა, რომ ფრენჩაიზის ფილმებისთვის უკვე კარგა ხანია აღარ უყურებია.

"18 წლის ასაკში პირველი ფილმების ყურება უხერხულობას მგვრიდა. ახლა კი ვფიქრობ, რომ ძველი ფილმები ძალიან საყვარელია. სამაგიეროდ, ახლა 18-19 წლის საკუთარ თავზე მეუფლება იგივე შეგრძნება," — გამოუტყდა რედკლიფი წამყვანს — "თუმცა, ვვარაუდობ, რომ დროთა განმავლობაში ეს დამოკიდებულება შეიცვლება და სხვადასხვა ასაკში ჩემს ნამუშევრებს სხვადასხვანაირად აღვიქვამ".

საუბარი მალევე სახალისო გამოწვევაში გადაიზარდა, როდესაც წამყვანმა რედკლიფს საყვარელი ჰარი პოტერის ფილმების დასახელება სთხოვა. დასაწყისისთვის მსახიობმა აღიარა, რომ 2001 წლის ფილოსოფიურ ქვასა და 2002 წლის საიდუმლო ოთახს შორის არჩევანის გაკეთებისას, უპირატესობას მეორე ნაწილს ანიჭებს.

"ამ ორს შორის საიდუმლო ოთახს ავირჩევდი, რადგან ბასილისკო ძალიან მიყვარს," — თქვა მან იმ გიგანტურ, გველისმაგვარ არსებაზე, რომელიც ჰოგვორტსში იმალებოდა.

ჰარი პოტერი და საიდუმლო ოთახი

ჰარი პოტერი და საიდუმლო ოთახი

ფოტო: Warner Bros.

მსახიობმა ასევე აღიარა, რომ 2005 წლის ჰარი პოტერი და ცეცხლოვანი თასი უფრო მეტად მოსწონს, ვიდრე ფანების ფავორიტი ჰარი პოტერი და აზკაბანის ტყვე (2004).

"ვიცი, ყველას უნდა, რომ აზკაბანი დავასახელო. ვიცი, რომ სხვები ასე ფიქრობენ, მაგრამ მე ძალიან მიყვარს ის სამუშაო, რომლის შესრულებაც მეოთხე ფილმში მომიწია, ეს არაჩვეულებრივი იყო. ასე რომ, ჩემს ხმას ცეცხლოვან თასს ვაძლევ," — თქვა რედკლიფმა.

ჰარი პოტერი და ცეცხლოვანი თასი

ჰარი პოტერი და ცეცხლოვანი თასი

ფოტო: Warner Bros.

როდესაც ყველაზე საყვარელი ფილმის დასახელება სთხოვეს, დენიელი არც დაფიქრებულა. მისი ყველა დროის ფავორიტი ჰარი პოტერი და სიკვდილის საჩუქრები: ნაწილი 2-ია.

ჰარი პოტერი და სიკვდილის საჩუქრები: ნაწილი 2

ჰარი პოტერი და სიკვდილის საჩუქრები: ნაწილი 2

ფოტო: Warner Bros.

ამასთან ერთად, რედკლიფს არც იმ ფილმის დასახელება მოერიდა, რომელიც ყველაზე ნაკლებად მოსწონს. "ჩემს პირად რეიტინგში ბოლო ადგილს, ალბათ, ნახევარპრინცი იკავებს", — აღიარა მან — "თუმცა, ამას საკუთარი ნამუშევრის გამო ვამბობ და არა თავად ფილმის გამო".

ჰარი პოტერი და ნახევარპრინცი

ჰარი პოტერი და ნახევარპრინცი

ფოტო: Warner Bros.

თუ ჰარი პოტერის სამყარო გიყვართ, ასევე იხილეთ: