რუსეთის პრეზიდენტის ვლადიმერ პუტინის აზრით, უკეთესი იქნება, თუ რუსეთში პრეზიდენტად რამდენიმე ვადით არჩევა შეზღუდული იქნება. ამის შესახებ ინფორმაციას რუსული სამთავრობო გამოცემა TASS ავრცელებს. პუტინის თქმით, ისეთი ქვეყნისთვის როგორიც რუსეთია, ხელისუფლების ცვლილება მნიშვნელოვანია.

"ბევრ ქვეყანაში, არ არსებობს არანაირი შეზღუდვა, თუ რამდენი ვადით შეიძლება იქნას პრეზიდენტი არჩეული. ისტორიულად, დასავლეთში, აშშ-ში შეუზღუდავად შეიძლებოდა პრეზიდენტის არჩევა. ეს სულ ცოტა ხნის წინ გაუქმდა", — განაცხადა პუტინმა.

პუტინის თქმით, მას მიუღებლად მიაჩნია სახელმწიფო საბჭოსთვის ძალაუფლების გაზრდა და რუსეთისთვის საპარლამენტო რესპუბლიკის მოდელად გადაქცევა.

პუტინის აზრით, ძალის ორი ცენტრის შექმნა რუსეთის სამომავლო პერსპექტივისთვის დამღუპველი იქნება. მისი თქმით, თავისი უფლებამოსილების გასახანგრძლივებლად არ უნდა და არც შექმნის რუსეთში სახელმწიფო მართვის ისეთ სისტემას, რომელიც რუსეთისთვის მიუღებელი და დამღუპველი იქნება.