კორონავირუსით გარდაცვლილთან რიცხვმა ათასს გადააჭარბა. ამის გამო ჩინეთში რამდენიმე თანამდებობის პირი გაათავისუფლეს.

10 თებერვალს მხოლოდ ჰუბეის პროვინციაში 103 ადამიანი გარდაიცვალა, რაც ერთ დღეში გარდაცვლილთა რეკორდული მაჩვენებელია. წინა დღესთან შედარებით დაინფიცირების ახალმა შემთხვევებმა 20 პროცენტით დაიკლო. ჯამში კი დაავადებულთა რიცხვმა 42 ათას გადააჭარბა.

BBC-ის ინფორმაციით, გარდაცვლილთა რიცხვის ზრდის გამო ჰუბეის ჯანდაცვის საკითხებში პარტიული კომისიის ხელმძღვანელი და ჰუბეის ჯანდაცვის კომისიის ხელმძღვანელი გაათავისუფლეს.

ჰონგ-კონგში მოსახლეობას მოუწოდეს, რომ სახლში დარჩნენ. სამხრეთ კორეამ კი თავის მოქალაქეებს მოსთხოვა იაპონიაში, ტაივანში, მალაიზიაში, ვიეტნამში, ტაილანდსა და სინგაპურში არ გაემგზავრონ. ვიეტნამმა დაადასტურა, რომ კორონავირუსი სამი თვის ბავშვს აღმოუჩინეს.

დიდი ბრიტანეთში კორონავირუსის ოთხი ახალი შემთხვევა დაფიქსირდა, ჯამში კი ქვეყანაში რვა დაინფიცირებულია. იაპონიის სანაპიროსთან საკრუიზო ლაინერ Diamond Princess-ზე ვირუსი კიდევ 65 პირს აღმოაჩნდა, რაც ნიშნავს, რომ 3 700 მგზავრიდან ახალი ვირუსი 135 ადამიანს აქვს. საკრუიზო ლაინერი ორ კვირაზე მეტია კარანტინშია. ჯანმრთელობასთან და მედიკამენტების ნაკლებობით შექმნილი პრობლემის გამო ხელისუფლება მოხუცებსა და ქრონიკულად დაავადებულებს გემის დატოვების უფლებას მისცემს.