ჩინეთში კორონავირუსით გარდაცვლილთა რიცხვი 41-მდე გაიზარდა. ამის შესახებ ინფორმაციას საერთაშორისო მედია ავრცელებს.

BBC წერს, რომ ჰუბიის პროვინციაში შაბათს გამოცხადდა, რომ ვირუსით კიდევ 15 ადამიანი გარდაიცვალა. ჩინეთში ვირუსის დადასტურებული შემთხვევა 1 200 ადამიანს დაუდგინდა. კორონავირუსი გავრცელდა ევროპაში, ამერიკასა და ავსტრალიაშიც.

25 იანვარი მთვარის კალენდრის მიხედვით ახალი წელია, ამ დღესასწაულს ჩინეთში განსაკუთრებით აღნიშნავენ. ამ დღეს იზრდება საახალწლო ფესტივალებზე ვიზიტორთა რიცხვიც. ჯანდაცვის ოფიციალური პირები ამბობენ, რომ ცდილობენ გავრცელება შეაჩერონ, რადგან ამ დღეებში ჩინეთს უამრავი ადამიანი იმოგზაურებს.

ახალი ვირუსი, ცნობილი როგორც 2019-nCoV, პირველად ქალაქ უხანში, დეკემბრის ბოლოს დაფიქსირდა. დაავადების გავრცელების რისკის გამო, მსოფლიოს ზოგიერთი ქვეყნის აეროპორტებში უხანიდან მიმავალი ტურისტებს სკრინინგს უკეთებენ, ზოგიერთი ქალაქიდან კი ფრენები დროებით გაუქმდა.

გაიგეთ მეტი: