18 ნოემბერს დაკავებულ ერთ აქტივისტს, ირაკლი ფავლენიშვილს მოსამართლე ვალერიან ფილიშვილმა 1 300 ლარის ოდენობის ჯარიმა დააკისრა. მეორე აქტივისტს, ბესიკ ლიპარტელიანს კი შენიშვნა დაეკისრა. ორივე მათგანს წვრილმან ხულიგნობასა და სამართალდამცავი ორგანოების კანონიერი მოთხოვნის დაუმორჩილებლობას ედავებოდნენ.

18 ნოემბერს სპეცნაზმმა პარლამენტთა პიკეტი დაშალა და კარვების აყარა. სამართალდამცავებმა დემონსტრანტების წინააღმდეგ წყლის ჭავლი გამოიყენეს. ამის შემდეგ ქართული ოცნების დეპუტატები პარლამენტში შევიდნენ და ბიუროს სხდომა გამართეს.

აქციის დაშლისას 37 ადამიანი დააკავეს. მოსამართლე ვალერიან ფილიშვილმა დაკავებულებიდან 10 პირს, მათ შორის გიგა მაქარაშვილს, ზუკა ბერძენიშვილსა და ბექა ბასილაიას მოსამართლემ პატიმრობა შეუფარდა. გარდა ამისა, ერთ შენიშვნა დაეკისრა, ხოლო კიდევ ერთს 1 000-ლარიანი ჯარიმა.

აქციები თბილისის ქუჩებში მას შემდეგ განახლდა, რაც ბიძინა ივანიშვილის დაპირება არ შესრულდა. მმართველმა პარტიამ ჩააგდო საკონსტიტუციო ცვლილებების პროექტი, რომლითაც ქვეყანაში 2020 წლის არჩევნები სრულად პროპორციული წესით უნდა ჩატარებულიყო. მმართველი პარტიის ამ გადაწყვეტილებამ ოპოზიციური პარტიები საერთო მოთხოვნის ირგვლივ გააერთიანა — პროპორციული არჩევნები გერმანული მოდელით. მოთხოვნას იზიარებენ სამოქალაქო სექტორის წარმომადგენლები და მოძრაობა ქვეყნის სამსახურში. მმართველი გუნდი კი წინააღმდეგია და მას არაკონსტიტუციურს უწოდებს.