გერმანიის ელჩი პეტერ ფიშერი და ავსტრიელი ევროპარლამენტარი ლენა შილინგი ბათუმის საქალაქოს სასამართლოში მზია ამაღლობელის პროცესს ესწრებიან.

ლენა შილინგმა პროცესის დაწყებამდე ჟურნალისტებთან განაცხადა, რომ მზია ამაღლობელის საქმე ევროპარლამენტარების განსაკუთრებული დაკვირვების ქვეშაა.

"მზია ამაღლობელის საქმე ეს არის პოლიტიკური საქმე. მე აქ ვარ, როგორც ევროპარლამენტარი, რათა განვაცხადო, რომ ეს საქმე არის განსაკუთრებული დაკვირვების ქვეშ ჩვენი მხრიდან, ევროკავშირის მხრიდან. ჩვენ ვაკვირდებით მოვლენებს. ეს არ არის განცალკევებული შემთხვევა. მე ვიყავი კონფერენციაზე აზერბაიჯანში, სადაც ასევე ვსაუბრობდით დაკავებულ ჟურნალისტებზე. ჩვენ გვინდა, რომ საქართველო დაუბრუნდეს ევროპულ ღირებულებებს და მას ჰქონდეს ნამდვილი ევროპული მომავალი. მზიას საქმე გვიჩვენებს, რომ საქართველოში დემოკრატია არის საფრთხეში", — განაცხადა ბათუმის საქალაქო სასამართლოში მზია ამაღლობელის პროცესის დაწყებამდე ევროპარლამენტარმა, ლენა შილინგმა (ფორმულას თარგმანი).

პეტერ ფიშერის თქმით, აქ იმყოფება იმისთვის, რომ დააკვირდეს მზია ამაღლობელის საქმეს. საქართველოს ევროკავშირის წევრობა უნდა და მნიშვნელოვანია, რომ სასამართლოს დამოუკიდებლობის სტანდარტის დაცული იყოს.

"მე წარმოვადგენ გერმანის. მე აქ ვარ იმისთვის, რომ დავაკვირდე მზია ამაღლობელის საქმეს. სასამართლო პროცესების დაკვირვება ბევრ ქვეყანაში — ეს არის სტანდარტული დიპლომატიური

პრაქტიკა. რატომ მივმართავთ ამ პრაქტიკას საქართველოში? საქართველოს სურს გაწევრიანება ევროკავშირში და ამისთვის

საჭიროა სტანდარტები, მათ შორის დამოუკიდებლობა სასამართლო სისტემაში. მე აქ ვარ, რომ დავაკვირდე და ვნახო, რამდენად აკმაყოფილებს სასამართლო სტანდარტებს", — განაცხადა საქართველოში გერმანიის ელჩმა, პეტერ ფიშერმა ჟურნალისტებთან საუბრისას ბათუმის საქალაქო სასამართლოში, მზია ამაღლობელის პროცესის დაწყებამდე (ფორმულას თარგმანი).

ბათუმელებისა და ნეტგაზეთის დამფუძნებელსა და დირექტორს ირაკლი დგებუაძისთვის სილის გაწვნის გამო, 4-დან 7 წლამდე პატიმრობა ემუქრება.