პარლამენტის თავმდჯოდმარეს, არჩილ თალაკვაძეს მიაჩნია, რომ შესაძლო დაპირისპირების გამომწვევი აქტივობების პრევენცია წინასწარ უნდა მოხდეს. ასე გამოეხმაურა თალაკვაძე 2 დეკემბერს თბილისში, ქართული ოცნების მთავარ ოფისთან საპროტესტო აქციაზე შეკრებილ სამოქალაქო აქტივისტებსა და მმართველი პარტიის ახალგაზრდული ორგანიზაციის წარმომადგენლებს შორის დაპირსპირებას.

მისივე განცხადებით, პროტესტის გამოხატვა კანონით გათვალისწინებულ მშვიდობიან ფარგლებში უნდა მოხდეს.

"გუშინ რაც ვნახეთ, უკვე რალურად ნათელია საზოგადოებისთვის, თუ რა იწვევს და რამ გამოიწვია ამ პროცესების განვითარება. ამიტომ, მე თუ მკითხავთ, სახელმწიფომ ამ შემთხვევაში უნდა გამოიყენოს პრევენციული ზომები და აღკვეთოს ორივე მიმართულებით აქტივობები, რომელმაც შესაძლოა, ძალადობა გამოიწვიოს ", — განაცხადა არჩილ თალაკვაძემ.

2 დეკემბერს ქართული ოცნების ახალგაზრდული ფრთის წევრებმა და პარტიის სხვა მხარდამჭერებმა ორბელიანის მოედანზე მიმდინარე კონცერტი დატოვეს და გადაინაცვლეს ოფისთან, სადაც სიტყვიერ შეურაცხყოფას აყენებდნენ და ფიზიკურად უსწორდებოდნენ მოძრაობა #სირცხვილიას, გაბედეს და შეცვალეს აქტივისტებს. აქტივისიტები ამბობენ, რომ აგრესიული პირები მათ ესროდნენ შუშხუნებს, რომელიც ერთ-ერთ აქტივისტს თვალში მოხვდა. მათივე თქმით, დაშავდა 5 აქტივისტი.