რუსეთში ზაბაიკალიეს ოლქში ავტობუსი ხიდიდან გადავარდა და დაეცა ყინულს, რომლითაც მდინარე კუენგა არის დაფარული. ინტერფაქსის ინფორმაციით, ავტობუსი ადგილობრივ ტურისტულ კომპანიას ეკუთვნოდა და კერძო შეკვეთას ასრულებდა. წინასწარი ინფორმაციით, ავტობუსს ბორბალი გაუსკდა.

ინციდენტის შედეგად 19 ადამიანი დაიღუპა, მათ შორის არის ორი ბავშვი და ავტობუსის მძღოლი. კიდევ 21-მა ადამიანმა სხვადასხვა სახის დაზიანება მიიღო, მათგან 14 საავადმყოფოშია გადაყვანილი, ხოლო სამი მძიმე მდგომარეობაშია. ჯამში ავტობუსში 44 მგზავრი იყო, ყველა მათგანი რუსეთის მოქალაქეა.

მგზავრების ევაკუაცია კი გართულდა, რადგან ავტობუსი ყინულზეა. ამის გამო მძიმე ტექნიკის ახლოს მიტანა შეუძლებელი აღმოჩნდა, რადგან მას ყინულის გაბზარვა შეუძლია. სამაშველო ოპერაციაში 30 ადამიანი და 11 ტექნიკა მონაწილეობს.