ქართული ოცნების 35 დეპუტატმა ხმა არ მისცა პროპორციული საარჩევნო სისტემის კანონპროექტს, რომლის ინიციატორის თვითონვე იყო. პროექტის ინიციატორი მმართველი გუნდის 93 დეპუტატი იყო, მათგან 35-მა კი პოზიცია შეიცვალა:

  1. ნინო წილოსანი,
  2. მერაბ ქვარაია,
  3. შოთა ხაბარელი,
  4. ვიქტორ ჯაფარიძე,
  5. კარლო კოპალიანი,
  6. გურამ მაჭარაშვილი,
  7. გოგა გულორდავა,
  8. გოგი მეშველიანი,
  9. მიხეილ ყაველაშვილი,
  10. ოთარ ჩრდილელი,
  11. დავით სონღულაშვილი,
  12. რუსლან პოღოსიანი,
  13. თენგიზ ხუბულური,
  14. თამაზ ნავერიანი
  15. სავალან მირზოევი,
  16. იოსებ მაკრახიძე,
  17. რომან მუჩიაშვილი,
  18. ირაკლი (დაჩი) ბერაია,
  19. სულხან მახათაძე,
  20. დიმიტრი მხეიძე,
  21. სამველ მანუკიანი,
  22. შალვა კიკნაველიძე,
  23. მუხრან ვახტანგაძე,
  24. კობა ლურსმანაშვილი,
  25. გოჩა ენუქიძე,
  26. ედიშერ თოლორაია,
  27. გოდერძი ჩანქსელიანი,
  28. კობა კობალაძე,
  29. ირაკლი აბუსერიძე,
  30. გიორგი კოპაძე,
  31. ირაკლი მეზურნიშვილი,
  32. ირაკლი შიოლაშვილი,
  33. ცოტნე ზურაბიანი,
  34. ირაკლი ხახუბია,
  35. დიმიტრი ხუნდაძე.

საპარლამენტო უმრავლესობის მიერ მომზადებული პროექტი 2020 წლის საპარლამენტო არჩევნების პროპორციული სისტემითა და ნულოვანი ბარიერით ჩატარებას ითვალისწინებს. კერძოდ, პოლიტიკური სუბიექტის მანდატების რაოდენობის დასადგენად, პარტიის მიერ მიღებული ხმების რაოდენობა 150-ზე გამრავლდება და არჩევნებში მონაწილე ყველა პოლიტიკური ძალის მიერ მიღებული ხმების ჯამზე გაიყოფა. არჩევნები ნულოვანი ბარიერის პირობებში ჩატარდება. ასევე, ახალი პროექტი საარჩევნო ბლოკების მონაწილეობის შესაძლებლობას არ ითვალისწინებს.

პროპორციული საარჩევნო სისტემა ერთ-ერთი მთავარი მოთხოვნა იყო, რომელიც მოძრაობა #სირცხვილიამ წამუყენა ხელისუფლებას მას შემდეგ, რაც რუსი დეპუტატის, სერგეი გავრილოვის ვიზიტის გამო აქციები დაიწყო. პროტესტის მეხუთე დღეს მმართველ გუნდს დათმობაზე მოუწია წასვლა. პარტიის ლიდერმა, ბიძინა ივანიშვილმა საზოგადოებას ამცნო, რომ 2020 წელს არჩევნებს პროპორციული სისტემითა და ნულოვანი ბარიერით ჩაატარებდნენ.

გაიგე მეტი: