უზენაესი სასამართლოს ყოფილი და ახლა უკვე უვადო მოსამართლედ დანიშვნის მსურველი, პაატა სილაგაძე ვერ ასახელებს მიზეზებს, რა შემთხვევაშიც შეიძლება გამოხატვის თავისუფლების შეზღუდვა. სილაგაძეს ამ საკითხზე კითხვა იურიდიულ საკითხთა კომიტეტის სხდომაზე კოალიცია დამოუკიდებელი და გამჭვირვალე მართლმსაჯულების წარმომადგენელმა, გიორგი მშვენიერაძემ დაუსვა.

იმის მიუხედავად, რომ მოსამართლეს კითხვა გამოხატვის თავისუფლების შეზღუდვის ლეგიტიმურ მიზნებზე დაუსვეს, მან განმარტა, რას ნიშნავდა გამოხატვის თავისუფლება. ამის გამო მშვენიერაძეს კითხვის დაზუსტება მოუწია.

მშვენიერაძე: მოდი, დავაზუსტებ კითხვას ცოტათი, ასე ვთქვათ, რომ მივეშველოთ პროცესს. გამოხატვის თავისუფლება გულისხმობს ინფორმაციის მიღების და გავრცელების უფლებას, ცხადია. მაგრამ, აი, კონსტიტუცია რა შემთხვევებში იძლევა შესაძლებლობას, რომ შეიზღუდოს გამოხატვის თავისუფლება — ერთი და მეორე, როგორია ტესტი, რომელსაც სასამართლო, მათ შორის საკონსტიტუციო სასამართლო, რომელიც ატარებს შეზღუდვის შემოწმების დროს?

სილაგაძე: ორი ვარიანტი არსებობს ტესტის, ეს არის მკაცრი, ვაიმე, ტერმინს ვეღარ ვიხსენებ, მკაცრი და მეორე, ანუ მკაცრი შემოწმების... ოთხი საფეხური უნდა გაიაროს, ყველა ვარიანტში და მეორე არის შედარებით მარტივი, როდესაც...

მშვენიერაძე: ეს რაციონალური დიფერენცია?

სილაგაძე: დიახ, დიახ...

მშვენიერაძე: ხო, მაგრამ ეს ხომ თანასწორობის უფლებაზე გამოიყენება და არა გამოხატვის თავისუფლებაზე?

სილაგაძე: აა, გადავიღალე უკვე... მაშინ...

მშვენიერაძე: კაი, გადავალ შემდეგ კითხვაზე, თუკი...

პაატა სილაგაძე უზენაესი მოსამართლეობის კანდიდატთა 20-კაციან სიაში მე-13 არის, რომელთანაც იურიდიულ საკითხთა კომიტეტში მოუსმინეს.

ამავე თემაზე: