უზენაესის მოსამართლეობის კანდიდატი, ლევან მიქაბერიძე ამბობს, რომ სასამართლო სისტემაში ე.წ. კლანური მმართველობის აღქმა არ აქვს. ამის შესახებ მიქაბერიძემ პარლამენტში დეპუტატ ირაკლი აბესაძის კითხვის საპასუხოდ განაცხადა.

"მე არ მაქვს, როგორც სისტემის შემადგენელ ნაწილს აღქმა, რომ სასამართლოში არის რაღაც კლანური, ჯგუფური მმართველობა. ეს არის ჩემი სუბიექტური დამოკიდებულება", — განაცხადა მიქაბერიძემ.

დღეს, 21 ოქტომბერს პარლამენტში უზენაესის მოსამართლეობის კანდიდატს, ლევან მიქაბერიძეს უსმენენ. 2019 წლიდან მიქაბერიძე თბილისის სააპელაციო სასამართლოს უვადო მოსამართლეა.

მოსამართლედ ის 2013 გამწესდა ბათუმში. 2016-2019 წლებში იყო თბილისის საქალაქო სასმართლოს სამოქალაქო საქმეთა კოლეგიის მოსამართლე. მანამდე, მიქაბერიძე სასამართლო სისტემაში სხვადასხვა პოზიციაზე მუშაობდა, მათ შორის სხდომის მდივნად და მოსამართლის თანაშემწედ.

ამავე თემაზე: