BIAFF — ბათუმის საავტორო ფილმების მე-14 საერთაშორისო კინოფესტივალი 2019 წლის 15-22 სექტემბერს გაიმართება. ბათუმის საერთაშორისო კინოფესტივალი 2006 წელს დაარსდა და მისი ორგანიზატორია ბათუმის ხელოვანთა სახლი არგანი, ოფიციალური პარტნიორი კი ბათუმის მერია.

BIAFF კინოფესტივალი ყოველწლიურად ძალიან საინტერესო კინოპროგრამას წარუდგენს მაყურებელს, როგორც საკონკურსო, ისე არასაკონკურსო სექციებში. ფესტივალს, ასევე, ყველა წელს მრავალი მნიშვნველოვანი სტუმარი სტუმრობს: ცნობილი რეჟისორები, პროდიუსერები, მსახიობები და ა.შ.

წელს ბათუმის კინოფესტივალს რამდენიმე საპატიო სტუმარი ეყოლება, რომელთა შორის შეიძლება გამოვყოთ:

• პოლ შრედერი (Paul Schrader) — ცნობილი ამერიკელი სცენარისტი და რეჟისორი. ის მუშაობდა მარტინ სკორსეზესთან და არის ისეთი ცნობილი ფილმების სცენარისტი, როგორიცაა — ტაქსის მძღოლი, ცოფიანი ხარები, ქრისტეს უკანასკნელი ვნებანი და ა.შ.
• დენის ლავანი (Denis Lavant) — ცნობილი ფრანგი მსახიობი, თანამედროვე ფრანგული კინოს მნიშვნელოვანი წარმომადგენელი. შესრულებული აქვს მრავალი საინტერესო როლი მათ შორის ცნობილი ფრანგი რეჟისორის ლეო კარაქსის ფილმებში;
• ქშიშტოფ ზანუსი (Krzysztof Zanussi) — ცნობილი პოლონელი რეჟისორი. ზანუსის ფილმებს მიღებული აქვთ უამრავი პრიზი მრავალ ცნობილ კინოფესტივალზე, მათ შორის კანში, ლოკარნოში, როტერდამი, ვენეციაში, მონრეალში, ტოკიოში, ჩიკაგოში და და ა.შ.
• ალექსანდრე მინდაძე (Alexander Mindadze) — სცენარისტი და რეჟისორი (რუსეთი). მრავალი საერთაშორისო კინოფესტივალის (ვენეცია, ბერლინალე და ა.შ.) ჯილდოს მფლობელი;
• ტატიანა დეტლოფოსონი (Tatiana Detlofson) — ფესტივალების და კინოფილმების პრომოუშენის ექსპერტი ამერიკიდან. ტატიანა კოორდინაციას უწევდა კინოფილმის ოსკარზე და ოქროს გლობუსზე ნომინირებული მრავალი უცხოენოვანი ფილმის პრომოუშენს. მათ შორის ქართლი ფილმების — მანდარინები (ზაზა ურუშაძე), საშიში დედა (ანა ურუშაძე), სხვისი სახლი (რუსუდან გლურჯიძე);
• გეილი ანე ჰურდი (Gale Anne Hurd) - ჰოლივუდის ერთ-ერთი გავლენიანი და ცნობილი პროდიუსერი. იყო პროდიუსერი ფილმებისა — The Terminator, The Walking Dead, Armageddon, Aliens და ა.შ.).

კინოფესტივალზე, ასევე, წარმოდგენილი იქნება პროგრამის მონაწილე უცხოელი და ქართველი რეჟისორები. კინოფესტივალზე დაგეგმილია შემდეგი მასტერკლასები და შეხვედრები.

16 სექტემბერი — სასტუმრო "WYNDHAM Batumi"

• 12:30 — 14:00 — პოლ შრედერი (აშშ) - მასტერკლასი;
• 16:00 — 17:00 — დენის ლავანი (საფრანგეთი), ვეიტ ჰელმერი (გერმანია) - პრესკონფერენცია;
• 17:00 — 18:30 — ქშიშტოფ ზანუსი (პოლონეთი) — მასტერკლასი.

19 სექტემბერი — სასტუმრო "WYNDHAM Batumi"

• 13:00 — 14:00 — ალექსანდრე მინდაძე (რუსეთი) — მასტერკლასი.

19 სექტემბერი — სასტუმრო "RADISSON BLUE Batumi"

16:00 — 17:30 — WIFT-Caucasus პანელი — "წარმატების ფორმულა". საპატიო სტუმარი — გეილი ანე ჰურდი, აშშ (პროდიუსერი ფილმებისა — The Terminator, The Walking Dead, Armageddon, Aliens და ა.შ.).

20 სექტემბერი — სასტუმრო "WYNDHAM Batumi"

12:30 — 13:30 — "CREATIVE EUROPE-ის პროგრამის შესაძლებლობები მხატვრული ფილმებისთვის" - დიანა მაღლაკელიძე, ქეთი შენგელია (შემოქმედებითი ევროპის დესკი საქართველოში);

16:00 — 17:30 — "როგორ ვაწარმოოთ ფილმის პრომოუშენი ოსკარის და ოქროს გლობუსის დაჯილდოების ნომინაციისთვის - ტატიანა დეტლოფსონი, აშშ (ფესტივალების და კინოფილმების პრომოუშენის ექსპერტი).

20 სექტემბერი — სასტუმრო "WYNDHAM Batumi"

• 15:00 — 15:40 — პრესკონფერენცია/შეხვედრა — მოკლემეტრაჟიანი ფილმების ქართველ რეჟისორებთან;
• 16:00 — 17:30 — "ახალი ქართული კინოსკოლის" პრეზენტაცია — შეხვედრა გელა ბაბლუანთან.

BIAFF ფესტივალის კინოჩვენებების ლოკაციები: კინოთეატრი აპოლო, სასტუმრო Wyndham კონფერენს დარბაზი, კინოჩვენებები ღია ცის ქვეშ ერას მოედანზე.

კინოფესტივალზე დასწრება: კინოჩვენებებზე დასწრება უფასოა. კინოთეატრ აპოლოში ჩვენებებზე დასწრებისთვის საჭიროა — ე.წ. უფასო ბილეთების აღება (რაც დაჯავშნის და კონტროლისთვის გამოიყენება) კინოთეატრში BIAFF ინფო ცენტრში.

კინოფესტივალზე აკრედიატაცია (მედია / ინდუსტრია): სხვადასხვა მედიის წარმომადგენლებს შეუძლიათ აკრედიტაციაზე მოგვმართონ ფესტივალის საიტზე რეგისტრაციის მეშვეობით.

კინოფესტივალის მხარდამჭერები: საქართველოს კულტურის, განათლების, სპორტის და მეცნიერების სამინისტრო; საქართველოს ეროვნული კინოცენტრი; აჭარის კულტურის სამინისტრო; აჭარის ტურიზმის და კურორტების დეპარტამენტი; საქართველოს ტურიზმის ეროვნული სააგენტო; ბათუმის დრამატული თეატრი; ბრიტანეთის საბჭო; გოეთეს ინსტიტუტი; იტალიის საელჩო.

კინოფესტივალის სპონსორები: სასტუმრო WYNDHAM BATUMI, კინოთეატრი აპოლო, სასტუმრო რჩეული ვილა, სასტუმრო Mardi Plaza, სასტუმრო Downtown Hotel, სასტუმრო Boulevard Hotel, ტურკომპანია ვანდერლენდი, შპს ბათუმის ავტოტრანსპორტი, კაფე გარდენს, შპს Legal Consulting Center.

კინოფესტივალის მედია პარტნიორები: საქართველოს საზოგადოებრივი მაუწყებელი, აჭარის ტელევიზია, რადიო ფორტუნა, ბათუმი ტვ, ონლაინ მედიები: ფაბლისითი ჯგუფი (www.publicity.ge), გადაცემა კიმონო, On.ge, Cinemania, netgazeti.ge, AT.GE, Film New Europe (www.filmneweurope.com), Cineuropa.org, გაზეთი ბათუმელები.

კინოფესტივალის შესახებ ინფორმაციის მიღება შესაძლებელია ჩვენი ვებგვერდის და სოც. მედიის საიტებიდან: biaff.org; fb.com/biaffbatumi.

დამატებითი ინფორმაციისთვის დაგვიკავშირდით: [email protected], პრესაკრედიტაციის მსურველებს შეუძლიათ მოგვმართონ: [email protected]; ტელ: 599 482 181; 593 998 272