მონიშნე 20% — ანდროიდის სისტემის ტელეფონებისთვის ანტისაოკუპაციო თამაში შეიქმნა

20% — ასე ჰქვია თამაშს, რომელიც ანდროიდის სისტემის მობილური ტელეფონებისთვის ქართველმა ახალგაზრდებმა შექმნეს. თამაშის ავტორი კომპანია სანაპსია. ეს მათი სადებიუტო პროდუქცია. ამ ფორმით სანაპსის წევრები რუსეთის მიერ საქართველოს ტერიტორიების ოკუპაციას აპროტესტებენ და 2008 წლის აგვისტოს ომთან დაკავშირებით ცნობიერების გაზრდას ცდილობენ.

თამაშის ერთ-ერთი ავტორი ლევან სანადირაძემ On.ge-ს თამაშის პრინციპი აუხსნა: "მოთამაშემ შემდეგ ტურში გადასასვლელად ნივთების 20% ხელის მოძრაობით უნდა მოჭრას. ნივთებიც სიმბოლურად არის შერჩეული: არაყი, თაფლი, ბალალაიკა, სამოვარი... ყველა მათგანი რუსეთს უკავშირდება. ტურების რაოდენობა შეზღუდული არ არის ყოველ ჯერზე სამი ცდა გაქვს.

წაგების შემთხვევაში ეკრანზე ჩნდება ფოტო, სადაც რუსეთ-საქართველოს ომის შესახებ სხვადასხვა ნიუსი წერია, წყაროს მითითებით. მისი დაშეარება ფეისბუქზე შესაძლებელია".

იმისთვის, რომ თამაშზე ხელი iOS-ის სისტემის მომხმარებლებსაც მიუწვდებოდეთ, სანაპს 100 დოლარის ოდენობის ფულადი დახმარება სჭირდება. ასევე ელოდებიან მომხმარებლების უკურეაქციას და იდეებს, დამატებითი ნივთების შესახებ.

ბოლო ამბები:

გირჩევთ