პარლამენტის ბიუროს სხდომის დასრულების შემდეგ პლერულ სხდომათა დარბაზში ოპოზიციის მხარეს მხოლოდ ნიკა მელია ზის. On.ge-სთან საუბარში ევროპული საქართველოს დეპუტატმა ოთო კახიძემ თქვა, რომ ნიკა მელიას თხოვნით, მათი პარტია და ნაციონალური მოძრაობა არ ესწრება სხდომას. სესიაზე ნიკა მელიასთვის დეპუტატის იმუნიტეტის შეჩერების საკითხი უნდა განიხილონ და კენჭი უყარონ.

სხდომას ესწრებიან მმართველი პარტიის ქართული ოცნების დეპუტატები, ასევე, ოპოზიციიდან პატრიოტთა ალიანსი და დამოუკიდებელი დეპუტატები, ლევან გოგიჩაიშვილი, გედევან ფოფოხაძე და ეკა ბესელია.