მსახიობმა შარლიზ ტერონმა ინტერვიუში განაცხადა, რომ ტიმოთი შალამეს სიტყვები, თითქოს ოპერა და ბალეტი "აღარავის აინტერესებს", ძალიან უპასუხისმგებლო საქციელი იყო.

როდესაც ტერონს მისი წარსული როლების მთავარ ფსიქოლოგიურ გამოწვევებზე ჰკითხეს, ვარსკვლავმა აღნიშნა: "ცეკვა, ალბათ, ერთ-ერთი ყველაზე რთული რამაა, რაც კი ოდესმე გამიკეთებია. მოცეკვავეები სუპერგმირები არიან".

ჩარლიზ ტერონი და ჩენინგ ტატუმი 2013 წლის ოსკარებზე

ჩარლიზ ტერონი და ჩენინგ ტატუმი 2013 წლის ოსკარებზე

ფოტო: Getty Images

ჟურნალისტმა ინტერვიუს დროს გაიხსენა ტიმოთი შალამეს სკანდალური ფრაზა ბალეტისა და ოპერის შესახებ, რაზეც ტერონმა უპასუხა: "იმედი მაქვს, ოდესმე შევხვდები ტიმოთის. ეს იყო ძალიან უპასუხისმგებლო კომენტარი ხელოვნების იმ ორ სფეროზე, რომელთაც მუდმივი მხარდაჭერა სჭირდებათ, რადგან დიახ, მათ ახლა მართლაც რთული პერიოდი აქვთ. თუმცა, 10 წელიწადში ხელოვნური ინტელექტი შეძლებს ტიმოთის საქმის გაკეთებას, მაგრამ ის ვერასდროს ჩაანაცვლებს სცენაზე ცოცხლად მოცეკვავე ადამიანს".

მსახიობმა აღნიშნა, რომ ხელოვნების სხვა ფორმების დამცირება დაუშვებელია: "ცეკვამ მასწავლა დისციპლინა, სტრუქტურა, შრომისმოყვარეობა და სიმტკიცე… ეს ლამის ძალადობის ტოლფასია. რამდენჯერმე სისხლის ინფექციაც კი დამემართა მაზოლებისგან, რომლებიც უბრალოდ არ ხორცდებოდა. ცეკვაში დასვენების დღეები არ არსებობს".

საჯარო დისკუსიის დროს, შალამემ განაცხადა, რომ მას არ სურს კინოთეატრებში ფილმების ნახვის ტრადიციას იგივე ბედი ეწიოს, რაც ბალეტსა თუ ოპერას დაემართა — ხელოვანები ცდილობენ "ამ სფეროებს სიცოცხლე შეუნარჩუნონ", მიუხედავად იმისა, რომ ისინი "აღარავის ადარდებს".

ფოტო: Variety

ტიმოთის კომენტარი ინტერნეტს უპასუხოდ არ დაუტოვებია:

ინტერნეტი კვლავ ტიმოთი შალამეზე ხორხოცებს — ნახეთ 10 ფოტო