თიბისის დამფუძნებელი მამუკა ხაზარაძე რუსეთის პრეზიდენტის, ვლადიმერ პუტინის მიერ ფრენებზე დაწესებულ აკრძალვას გამოეხმაურა. მისი თქმით, ეს გადაწყვეტილება ტურისტულ სეზონს დაეტყობა, ამიტომ ქართული ტურისტული ინდუსტრიის მხარდასაჭერად მზადყოფნას გამოთქვამს 10 ჩარტერული რეისი დააფინანსოს.

ხაზარაძის თქმით, ეს რეისები უკრაინელ ტურისტებს მოემსახურებათ, რომლებიც კიევიდან თბილისის მიმართულებით იფრენენ.

თბილისში განვითარებული მოვლენების საპასუხოდ ვლადიმერ პუტინმა განკარგულება გასცა და რუსულ ავიაკომპანიებს საქართველოს მიმართულებით ავიამიმოსვლა აუკრძალა.

ასევე, პუტინი მოუწოდებს რუსეთის ხელისუფლებას მიიღონ შესაბამისი ზომები რუსეთის იმ მოქალაქეების სამშობლოში დასაბრუნებლად, რომლებიც დროებით იმყოფებიან საქართველოში. ასევე, მოუწოდებს უწყებებს ითანამშრომლონ საქართველოს ხელისუფლებასთან იმისთვის, რომ მათი მოქალაქეების უსაფრთხოდ დააბრუნონ.

ქართული ბიზნესის პასუხი პუტინს: