ხვალიდან, 29 მაისიდან, თბილისში, ილია ჭავჭავაძის გამზირის პირველი მონაკვეთი რეაბილიტაციისთვის გადაიკეტება. თბილის მერის კახა კალაძის თქმით, პირველ ეტაპზე გზა დაკეტილი იქნება თბილისის სახელმწიფო უნივერსიტეტის პირველი კორპუსიდან პიქსელის შენობამდე.

გზის რეაბილიტაციის გარდა, თბილისის მერია გეგმავს ილია ჭავჭავაძის გამზირზე მოაწყოს საფეხმავლო ბილიკები, დააყენოს ახალი განათებები, დაიწყოს გამწვანებითი სამუშაოები და მოაწყოს საავტობუსო ზოლები. მერია ასევე გეგმავს, რომ ჭავჭავაძის გამზირზე ურნები მიწის ქვეშ ჩაიტანოს.

სარეაბილიტაციო სამუშაოების მიმდინარეობის პერიოდში დროებით შეიცვლება საზოგადოებრივი ტრანსპორტის მარშრუტები.