აშშ-ს სახელმწიფო მდივანი, მაიკ პომპეო რუსეთში რუსეთის პრეზიდენტ ვლადიმერ პუტინს შეხვდება. სახელმწიფო მდივნის რანგში ეს პომპეოსთვის რუსეთში პირველი ვიზიტი იქნება. შეხვედრა რიგ საკითხებზე აშშ-სა და რუსეთის უთანხმოების ფონზე გაიმართება, მათ შორის ვენესუელისა და ირანის საკითხებზე.

პომპეო მოსკოვში 13 მაისს ჩაფრინდება და ამავე დღეს აშშ-ს საელჩოს თანამშრომლებს შეხვდება. გარდა ამისა, ის მეორე მსოფლიო ომის დროს დაღუპულების მემორიალს მოინახულებს.

ვლადიმერ პუტინს კი პომპეო სოჭში 14 მაისს შეხვდება. მასთან ერთად მოლაპარაკებებს რუსეთის საგარეო საქმეთა მინისტრი, სერგეი ლავროვი გამართავს.