შურისმაძიებლების ბოლო ფილმის, Endgame-ის რეჟისორებმა, ძმებმა რუსოებმა საჯაროდ სთხოვეს საზოგადოებას, სიუჟეტის დეტალების გამხელისგან თავი შეეკავებინათ, რათა სხვებისთვის სანახაობა არ გაეფუჭებინათ. ცხადია, მათი თხოვნა ყველას არ გაუთვალისწინებია.

ერთია, როცა სპოილერებს ფეისბუქზე აწყდები, თუმცა გაცილებით ნერვებისმომშლელია, როცა ფილმის სიუჟეტს უშუალოდ კინოთეატრში შესვლის წინ გიყვებიან.

სწორედ ასეთი შემთხვევა მოხდა ჰონგ-კონგში, კინოთეატრ Causeway-სთან ახლოს.

ტაივანური მედიის ცნობით, თეთრებში გამოწყობილი კაცი, რომელიც ახალი გამოსული იყო სეანსიდან, სპოილერებს დარბაზის შესასვლელთან ხმამაღლა გაიძახოდა. სწორედ ეს გახდა მისი ცემის მიზეზი.

Avengers: Endgame გასულ წელს გამოსული Infinity War-ის სიქველია და 11-წლიანი სერიის დასასრულს წარმოადგენს. თუ იმ იღბლიან ადამიანებს შორის ხართ, ვინც ფილმი უკვე ნახა, გთხოვთ, გაითვალისწინეთ რეჟისორების თხოვნა და სიუჟეტის დეტალები თქვენთვის შეინახეთ.