ეროვნული ბიბლიოთეკა გურჯაანის მუნიციპალიტეტის სოფელ ვეჯინის ბიბლიოთეკის დარბევის ფაქტს ეხმაურება და გმობს მას.

"ეროვნული ბიბლიოთეკა, საბიბლიოთეკო ასოციაცია და მოძრაობა ეკვილიბრიუმი აღადგენს და განაახლებს სოფელ ვეჯინის დარბეული ბიბლიოთეკის ფონდს. სამარცხვინო და ცოტა გაუგებარი ამბავია. ნუ დახევ და დაწვავ, არამედ #აჩუქეწიგნი და წაიკითხე, რომ მერე არც დახევა მოგინდეს და არც დაწვა", აცხადებს ეროვნული ბიბლიოთეკის დირექტორი გიორგი კეკელიძე.

სოფელ ვეჯინის ბიბლიოთეკა უცნობმა პირებმა დარბიეს. შენობაში დაცული წიგნები და ტექნიკა გაანადგურეს და შემდეგ კი ცეცხლი წაუკიდეს. შინაგან საქმეთა სამინისტრო დარბევის ფაქტს ადასტურებს. მიმდინარეობს გამოძიება.