"ნარკოტიკების კონტროლის საერთაშორისო სტრატეგიის შესახებ" აშშ-ს სახელმწიფო დეპარტამენტის ანგარიშში ნათქვამია, რომ საქართველო კავკასიაში მდებარეობის გამო დაუცველია ტრანსნაციონალური კრიმინალური ორგანიზაციების წინაშე. დოკუმენტში ნათქვამია, რომ კვლავ გრძელდება ოპიუმის, ჰერონისა და ჰეროინის წარმოებისთვის საჭირო ქიმიური პრეკურსორის, ძმარმჟავას ანჰიდრიდის კონტრაბანდა.

სახელმწიფო დეპარტამენტის ანგარიშში ვკითხულობთ, რომ 2018 წლის აპრილში 15 მეტრული ტონა ძმარმჟავის ანჰიდრიდი ამოიღეს ფოთის პორტში, რაც ისტორიაში ერთ-ერთი ყველაზე დიდი ოდენობაა ნარკოდანაშაულისას.

"სინთეტიკური და კლუბური ნარკოტიკი კვლავ პოპულარული რჩება ახალგაზრდებში. 2018 წლის აპრილში პოლიციამ რეიდი ჩაატარა ორ პოპულარ ღამის კლუბში, თბილისში. ამ მოვლენებს ათასობით ადამიანის პროტესტი მოჰყვა, რამაც ხელისუფლება აიძულა, შეერბილებინა ნარკოპოლიტიკა", — ვკითხულობთ ანგარიშში.

ანგარიშის მიხედვით, აშშ აგრძელებს საქართველოს მხარდაჭერას კრიმინალის, ნარკოდანაშაულისა და ნარკოტრანზიტის წინააღმდეგ.