დღეს, თბილისის დროით 03:05-ზე NASA-მ კეიპ კანავერალის სადგურიდან ხომალდი OSIRIS-REx კოსმოსში გაუშვა.

ხომალდის მთავარი მისიაა, მივიდეს დედამიწასთან ახლომდებარე ასტეროიდ ბენუსთან, აიღოს იქიდან მასალა და ჩამოიტანოს დედამიწაზე. ბენუსნაირი ასტეროიდები მზის სისტემის შექმნის პროცესის ნარჩენებია და 4.5 მილიარდი წლის წინანდელ ინფორმაციას ინახავენ.

მეცნიერების აზრით, დედამიწასა და სხვა პლანეტებზე, წყლისა და ორგანული მოლეკულების წყაროები სწორედ ასტეროიდები იყო. მასალა, რომელსაც OSIRIS-REx ასტეროიდიდან ჩამოიტანს, დაუბინძურებული და ნედლი იქნება. შესაბამისად, ბევრად მეტ ინფორმაციას მოგვცემს ვიდრე მეტეორიტების შესწავლაა.

ხომალდი ასტეროიდ ბენუს, რომელიც მომცრო მთის ზომისაა, 2018 წელს მიუახლოვდება და მის ზედაპირს დაასკანერებს, შეადგენს მის რუკას და მოემზადება მასალის ასაღებად. 2020 წელს OSIRIS-REx ბენუს მიუახლოვდება და დაჯდომის გარეშე, რობო-ხელით, იქიდან 60 გრამამდე მასალას აიღებს - ქვებს, ქვიშას, კენჭებს და კონტეინერში მოათავსებს.

ხომალდი, მოპოვებული მასალით, დედამიწაზე 2023 წლის სექტემბერში დაბრუნდება.

ასევე იხილეთ: