მუსიკის მეშვეობით გზავნილების მიღებისა და გაგზავნის იდეას დიდი ისტორია აქვს. ამ იდეის ავტორად XVI საუკუნეში მოღვაწე ბენედიქტელი ბერი, იოჰანეს ტრითემიუსი მოიაზრება. მას შემდეგ მსგავსი მოსაზრება არაერთხელ გამოითქვა - მაგალითისთვის შეგვიძლია გერმანელი მღვდელი - გასპარ შოთი გავიხსენოთ, რომელიც იგივე თემაზე XVII საუკუნეში მუშაობდა. ბოლო პერიოდში კი, კრიპტოგრაფებმა არაერთი ციფრული მეთოდი შექმნა მოახერხეს, რომლებითაც ელექტრონულ მუსიკაში დაშიფრული გზავნილების დამალვაა შესაძლებელი.

ალბათ, იფიქრეთ, რომ მუსიკალური სტეგანოგრაფიის (სტეგანოგრაფია - მეცნიერება, რომელიც სწავლობს ინფორმაციის დამალვის ხერხებს) შესაძლებლობები ამ ხნის განმავლობაში მთლიანად ამოიწურა და ყველა ხერხს უკვე მიაგნეს.

ნურას უკაცრავად! სულ ახლახანს, კრჟიშტოფ შჩიპიორსკიმ (Krzysztof Szczypiorski) ვარშავის ტექნოლოგიური უნივერსიტეტში წარმოადგინა სტეგანოგრაფიის სრულიად ახლებური მეთოდი, რომელიც მან სპეციალურად იბიცას საკლუბო მუსიკისთვის შეიმუშავა. ეს ახალი მეთოდი სწორედ იმ ტიპის ტრანს მუსიკას იყენებს, რომლითაც ეს კლუბური კურორტია ცნობილი.

ფოტო: Warsaw University of Technology

იბიცა ბალეარის არქიპელაგის ერთ-ერთი კუნძულია, რომელიც ესპანეთის სანაპიროდან 160 კილომეტრის დაშორებით, ხმელთაშუა ზღვაში მდებარეობს. იგი ცნობილია თავისი ლამაზი ქალაქებითა თუ სოფლებით, თუმცა ნამდვილი ცნობადობა ღამის ცხოვრებამ, კლუბებმა და პლაჟის რეივებმა მოუტანა. “იბიცური” მუსიკა ხასიათდება ძლიერი ტრანს-რიტმით, რომელიც პირდაპირ გაიძულებს, რომ იცეკვო.

შჩიპიორსკის მეთოდი მდგომარეობის იმაში, რომ ინფორმაცია მუსიკის ტემპის (bpm ბიტი წუთში) ცვლილებაში ჩაიშიფროს და ეს ცვლილებები იმდენად მცირე უნდა იყოს, რომ მსმენელის ყურისთვის აღქმადი არ გახდეს.

ტემპის ასეთი ცვლილებების განხორციელება შესაძლებელი გახადა თანამედროვე ციფრულმა ტექნოლოგიებმა, რომლებიც მუსიკის ბევრ სხვადასხვა კომპონენტს გვაკონტროლებინებენ.

მაგალითისთვის, ტემპის ცვლილებას იყენებს თითქმის ყველა დიჯეი, როდესაც ორი კომპოზიციის გამიქსვა სურს.

შჩიპიორსკიმ გადაწყვიტა, მორზეს ანბანის გამოყენებით, ტრანს-მუსიკაში მცირე ზომის ტექსტი დაემალა. როგორც იცით, მორზეს ანბანი წერტილებსა და ტირეებს იყენებს. ამ შემთხვევაში, წერტილის აღსანიშნავად იგი მუსიკის ტემპს ქვემოთ წევდა, ტირესთვის კი - პირიქით, ზემოთ.

რამდენიმე ცნობილი ჰიტის მინუს-ქავერის შესაქმნელად მან ეფლის Logic X Pro გამოიყენა. ეს ჰიტები იყო:

მან ბიტის სისწრაფის ცვლილებით ამ სიმღერებში კოდირებული ტექსტი ჩადო - “Steganography is a dancer!” - რაც მორზეს ანბანში ასე გამოიყურება
... - . --. .- -. --- --. .-. .- .--. .... -.--

.. ... .- -.. .- -. -.-. . .-. -.-.—

თითოეულ ასე მომზადებულ ტრეკში ეს დაფარული ტექსტი ორჯერ მოხვდა.

მთავარი კითხვა რჩებოდა ის, თუ რამდენად შეუმჩნეველი იქნებოდა ტემპის ცვლილება მსმენელისთვის. ამის გასარკვევად კი 20 ადამიანს სთხოვა, ეს დამუშავებული ტრეკები ზაფხულის ერთერთ ღონისძიებაზე მოესმინათ.

ექსპერიმენტმა აჩვენა, რომ ინფორმაციის დამალვის ეს მეთოდი ეფექტურია. თუ ტემპი იცვლებოდა 3%-ზე მეტად, მსმენელთა ნახევარი ამ ცვლილებას აღიქვამდა, მაგრამ თუ ცვლილება 2%-ით ხდებოდა, აუდიტორიის ყურისთვის შეუმჩნეველი რჩებოდა.

მეთოდის ავტორის აზრით, ძალიან მარტივი იქნება ისეთ პროგრამის შექმნა, რომელიც ავტომატურად მოახდენს მუსიკის კოდირებას თუ დეკოდირებას. კრჟიშტოფს სახელიც კი აქვს ასეთი პროგრამისთვის მოფიქრებული: “სტეგიბიცა”

რა თქმა უნდა, ნაკლებად სავარაუდოა, რომ მსოფლიოს ნარჩევ-ნარჩევი ჯაშუშები იბიცაზე შეიკრიბონ და ინფორმაციის გადასაცემად ელექტრონული მუსიკის იმედად დარჩნენ. ამ პროექტის სავარაუდო სცენარში, “სტეგიბიცას” მუსიკოსები ფანებამდე სხვადასხვა მესიჯების მისატანად გამოიყენებენ. ასევე, შესაძლებელია, რომ ამ პროგრამის მეშვეობით მუსიკა “დაიბრენდოს” ან დამატებითი ინფორმაცია ჩაინერგოს, იქნება ეს ინფორმაცია შემსრულებელზე, ტრეკზე თუ სხვა.