ბათუმში ქიმიური ტერმინალის მშენებლობის წინააღმდეგ საპროტესტო აქცია მიმდინარეობს. აქციაზე მონაწილეები აირწინაღებით მივიდნენ. ისინი აცხადებენ, რომ ტერმინალში არამხოლოდ სასუქი კარაბადიმი, არამედ სხვა ქიმიურ ნივთიერებებიც შემოვა, რომელიც ფეთქებადსაშიში და მომწამლავი იქნება. მათი თქმით, ეს ეკოლოგიური საფრთხის შემცველია და ამავდროულად ქალაქის ტურისტული პოტენციალი დააზიანდება.

ფოტო: აჭარის ტელევიზია

ფოტო: აჭარის ტელევიზია

ტერმინალთან შეკრებილები აცხადებენ, რომ თუ მშენებლობა გაგრძელდება აქციები პერმანენტულ ხასიათს მიიღებს. მათივე თქმით, აქცია პოლიტიკურ ინტერესებს არ ატარებს და ადგილობრივების უსაფრთხოებისთვის იმართება.

ქიმიური ტერმინალის მშენებლობას ბათუმში თითქმის 2 თვეა აპროტესტებენ. საზოგადოების ნაწილი თავდაპირველად აცხადებდა, რომ სასუქი კარაბადიმიც მომწამლავია. გუშინ, 19 იანვარს აჭარის ტელევიზიის პირდაპირ ეთერში ქართული ოცნების საკრებულოს დეპუტატმა მისი თქმით, კარბამიდი შეჭამა. როგორც მან აღნიშნა ამ ჟესტით მოსახლეობისთვის იმის დამტკიცება სურდა, რომ სასუქი მომწამლავი არ არის.

ბათუმში ქიმიური ტერმინალის კარბამიდის მშენებლობასთან დაკავშირებით ხელშეკრულება, მხარეებმა 14 იანვარს, ბათუმში გააფორმეს. აჭარის ტელევიზიის ინფორმაციით, ბათუმის მერიას მშენებლობის ნებართვა ამ ეტაპზე არ გაუცია. ისინი გარემოს დაცვის სამინისტროსგან დასკვნას ელოდებიან.