ფრანკფურტის წიგნის ბაზრობა, სადაც საქართველო საპატიო სტუმრის სტატუსით წარსდგა, ევროკავშირის უმაღლესმა კომისარმა, ფედერიკა მოგერინიმ წლის მნიშვნელოვან მოვლენებს შორის დაასახელა. ამის შესახებ ის საკუთარ ბლოგში წერს სახელწოდებით "თორმეტი რამ, რაც უნდა გაგვყვეს 2019 წელს".

"ოქტომბერში პატივი მქონდა გამეხსნა, მსოფლიოში უძველესი ფრანკფურტის წიგნის ბაზრობა. ამ წელს ევროკავშირის უახლოესი პარტნიორი ქვეყანა, საქართველო წარსდგასაპატიო სტუმრის სტატუსით. ჩემთვის ეს ნამდვილად ამაღელვებელი იყო, მესაუბრა იმაზე, თუ რა გვაკავშირევს ჩვენ, როგორც ევროპელებს, ჩვენს კულტურასა და იდენტობას", — წერს მოგერინი.

"სადაც საქართველოა საპატიო სტუმრის რანგში, სწორედ იქ არის ევროკავშირის ადგილიც", — ამ სიტყვებით გახსნა ოქტომბერში ფედერიკა მოგერინიმ ფრანკფურტის წიგნის ბაზრობა.

ფედერიკა მოგერინიმ წლის მოვლენებს შორის დაასახელა "ორი კორეის შეხვედრა", გაეროს გენერალური ასამბლეა, სირიელ და იემენელ ქალებთან შეხვედრა, ტრანსატლანტიკური მეგობრობა და აფრიკელ პარტნიორებთან თანმშრომლობა.