"დაემგზავრე ტექნოლოგიებს" - ეს ტექნობასის ახალი იდეაა, რომელიც მთელს საქართველოში მოგზაურობს. ტექნობასი ბრენდირებული ავტობუსია, რომელსაც სტარტაპერები ქირაობენ იმისთვის, რომ რეგიონებში იარონ და ინტერაქტიური პრეზენტაციებისა და თამაშების გზით სხვადასხვა სკოლის მოსწავლეებს ინოვაციებისა და ტექნოლოგიების მიმართ ინტერესი გაუჩინონ. პროექტის ავტორი სტარტაპ კომპანია "ლინგვინგია", რომელმაც იდეა ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს დახმარებით განახორციელა.

ფოტო: ტექნოპარკი

"ტექნობასმა" მოირა ქუთაისის, სამტრედიის, წყალტუბოს, თერჯოლის, ზესტაფონისა და კახეთის სკოლები. პროექტის ორგანიზატორებმა ტექნოლოგიური სიახლეები, ინოვაციური ხედვები, ონლაინ სასწავლო რესურსები და ონლაინ დასაქმების პერსპექტივები უკვე 4000-ზე მეტ ახალგაზრდას გაუზიარეს.

ფოტო: ტექნოპარკი

სამომავლოდ პროექტის ორგანიზატორები რეისების დამატებასა და ლოკაციების გაფართოებასაც გეგმავენ.

დეტალური ინფორმაციის ნახვა ფეისბუქზე შეგიძლიათ.