შინაგან საქმეთა სამინისტროს ინფორმაციით, გუშინ, 16 ნოემბერს მომხდარი მკვლელობის საქმეზე ერთი პირი დააკავეს. ამავე პირს ბრალად ედება განზრახ მკვლელობის მცდელობაც.

შსს-ში ამბობენ, რომ ბრალდებულს ორივე მათგანთან კონფლიქტი მოუვიდა.

"კონფლიქტის დროს დაკავებულმა ორივე მათგანს დანით სხეულზე დაზიანებები მიაყენა. მიყენებული ჭრილობების შედეგად ერთი საავადმყოფოში მიყვანამდე გარდაიცვალა, ხოლო მეორე დაჭრილი კლინიკაშია გადაყვანილი", — აღნიშნავენ შსს-ში.

საქმეზე გამოძიება განზრახ მკვლელობისა და ორი ან მეტი პირის მიმართ ჩადენილი განზრახ მკვლელობის მცდელობის ბრალდებით მიმდინარეობს. სისხლის სამართლის კოდექსის 108-ე და 19-109-ე მუხლის მე-3 ნაწილის "ა" ქვეპუნქტით, დანაშაულის დამტკიცების შემთხვევაში, დაკავებულს 16-დან 20 წლამდე ან უვადოდ თავისუფლების აღკვეთა ემუქრება.