როგორც On.ge-ს პროკურატურიდან აცნობეს, ჟურნალისტ დავით მჭედლიძის საჩივარზე იმასთან დაკავშირებით, რომ 18 აგვისტოს მასზე პოლიციელმა იძალადა, ყელში სწვდა და კამერას ართმევდა, გამოძიება უკვე დაწყებულია.

უწყების ცნობით, გამოძიება სისხლის სამართლის კოდექსის 154-ე და 333-ე მუხლებით მიმდინარეობს. პირველი მათგანი ჟურნალისტისათვის პროფესიულ საქმიანობაში
უკანონოდ ხელის შეშლას გულისხმობს,ხოლო მეორე - სამსახურებრივი უფლებამოსილების გადამეტებას.

18 აგვისტოს Media.ge-ის რედაქტორმა, დავით მჭედლიძემ თავის Facebook გვერდზე ვიდეო გაავრცელა, რომელშიც ჩანს, როგორ ძალადობს უცნობი პირი მასზე. როგორც თავად On.ge-სთან საუბარში განაცხადა, აღნიშნული ადამიანი პოლიციელი იყო.

19 აგვისტოს მჭდლიძემ საჩივარი პროკურატურაში შეიტანა.