ქართული ოცნების თავმჯდომარემ, ბიძინა ივანიშვილმა ტელევიზიებთან ინტერვიუს დროს განაცხადა, რომ უცხოელ პარტნიორებს გიორგი კვირიკავშილის გადადგომაზე კითხვები არ ჰქონიათ.

"დღეს გვაქვს საუკეთესო ურთიერთობა ამერიკის შეერთებულ შტატებთან. ერთი ეჭვიც არ არსებობს ქართული ოცნების მიმართ", - განაცხადა ივანიშვილმა.

ყოფილი პრემიერი ამბობს, რომ თანამდებობაზე ყოფნის პერიოდში ის ბევრს ცდილობდა, რომ კავშირები დაემყარებინა უცხოელ პარტნიორებთან და თავის პროდასავლურობაში დაერწმუნებინა:

"მათ [ნაციონალურ მოძრაობას] ჰქონდათ ძალიან კარგი კავშირები ამერიკასთან და ევროპასთან. თქვენ ვერც კი წარმოიდგენთ, რა სიღრმეებში იყვნენ ჩასულები და როგორი კავშირები ჰქონდათ და რამდენად მძიმე იყო ჩემი ყოფა მაშინ, პრემიერის რანგში".

გიორგი კვირიკაშვილი პრემიერ-მინისტრის თანამდებობიდან მალევე მას შემდეგ გადადგა, რაც ბიძინა ივანიშვილი პარტიის თავმჯდომარედ დაინიშნა. მისი წასვლის ერთ-ერთ მთავარ მიზეზად მმართველი გუნდი მოსახლეობაში ჭარბვალიანობასა და ეკონომიკურ რეფორმების არაეფექტურობას ასახელებდა.

ამავე თემაზე: