პრემიერ-მინისტრი, გიორგი კვირიკაშვილი გადადგა. ამის შესახებ მანვე საგანგებო ბრიფინგზე დღეს, 13 ივნისს ისაუბრა.

კვირიკაშვილის გადადგომასთან ერთად გადაყენებულად მიიჩნევა საქართველოს მთავრობა. შესაბამისად, მართ პარლამენტმა ნდობა ახლიდან უნდა გამოუცხადოს.

საქართველოს მთავრობის გადადგომის მოთხოვნით თბილისში აქციები დაახლოებით ერთი თვის განმავლობაში იმართებოდა. თავდაპირველად, ეს მოთხოვნა კლუბებში ბასიანსა და გალერიში სპეცოპერაციის ჩატარების შემდეგ გაჩნდა. მოგვიანებით, თბილისის საქალაქო სასამართლომ ხორავას ქუჩაზე მოკლული ორი არასრულწლოვნის საქმეზე გადაწყვეტილება მიიღო, რომლითაც დადგინდა, რომ პროკურატურას დავით სარალიძის მკვლელი დაკავებული არ ჰყავდათ. ამ აქციაზეც გაჟღერდა იგივე მოთხოვნა.

ბოლო ერთი თვის განმავლობაში საქართველოში 10-მდე აქცია ჩატარდა. ყველა შემთხვევაში ისმოდა მთავრობის გადადგომის მოთხოვნა.

მანამდე გიორგი კვირიკაშვილმა განაცხადა, როგორც კი დარწმუნდება, რომ მისი გადადგომა "ქვეყანას წაადგება", თანამდებობას დატოვებს.