აუცილებლად იხილეთ ცნობილი ლეჩხუმელების ექსპოზიცია "გუჯას მუზეუმში"

გუჯას მუზეუმი ცაგერში მდებარეობს, ის ერთმა კერძო პირმა თავისი ინიციატივით გახსნა და მასში ამ კუთხის წარმომადგენელთა ფოტოსურათები და მიღწევები გამოფინა.

მუზეუმის აბრა გვამცნობს, რომ აქ ფოტო-გამოფენა და ღვინის უფასო დეგუსტაცია გველის.

შემდეგ კი ფოტო დაფაა, რომელზეც ცნობილი "ლეჩხუმლები" კატეგორიის მიხედვით არიან დალაგებულები: სასიქადულონი, ხელისუფალნი, დეპუტატები, პოპულარულნი, არტისტები, დამრტყმელები, ძველი ბიჭები, ლამაზი ქალები, რაიონში გამორჩეულნი, განსწავლულნი, ორატორნი და ენამოსწრებულნი, ქველმოქმედნი, გენერალიტეტი, სპორტის ვარსკვლავები და მოქეიფენი.

"რაც მაგრებია, ლეჩხუმლებია"

ამ დაფაზე შევხვდებით ლადო ასათიანსა და მიხეილ ალავიძეს, ზურაბ კოპალიანს - რუსეთში მოღვაწე მეცნიერს, რომელიც დაფაზე მოხსენიებულია, როგორც ნობელის პრემიის ლაურეატი, თუმცა, სამწუხაროდ, ბატონ ზურაბს მოხლოდ სიგელი აქვს მიღებული, რადგან ის იყო მონაწილე იმ ინტერსამთავრობო ჯგუფისა, რომელმაც საბოლოოდ მიიღო ნობელის პრემია. შემდეგი ფოტოზე მამუკა და ჯანსუღ ჩარკვიანები არიან.

აქვეა დაფის ქვედა პანელიც, რომელშიც შესულია ლეჩხუმელების მიერ დაწერილი წიგნები.

12 ნორვეგიელი მეცნიერი, რომელთა გამოკვლევამაც დაადასტურა, რომ ვიკინგები ლეჩხუმიდან არიან წარმოშობით

აქვე არიან რაიონის ჩემპიონები ხორცის ჭამაში

და არალეჩხუმელი მაგრები, სტალინი და მიშა. სტალინს მხოლოდ საკუთარი და ჩერჩილის გამონათქვამები აქვს მითითებული აღსაწერად, ხოლო მიხეილ სააკაშვილზე პირდაპირ გვამცნობენ, რომ ის მაგარია.

საქართველოში ყველაზე დიდი მტკაველი!

სონა საღინაძე, რომელიც "კიდო ცოცხალია!" (თემურ წიკლაურს არ ვიმჩნევთ)

მულტიკულტურალიზმი და ინტერნაციონალიზმი ლეჩხუმში - მუგაბუ და ტარიელიე

არშემდგარი სილვესტერ სტალონე

ქართული ღვინის კიდევ ერთი წარმატება

მოკლედ, თუ ამ ზაფხულს ჯერ კიდევ არ წასულხართ სამოგზაუროდ, აუცილებლად უნდა ეწვიოთ გუჯას მუზეუმს და თქვენი თვალით ნახოთ ეს საოცარი, სახალისო და ძალიან საყვარელი ადგილი.

ბოლო ამბები:

გირჩევთ