ისეთ თამაშებს, როგორებიცაა World of Warcraft და Minecraft, ხელშესახები სოციალური ცვლილებების გამოწვევა შეუძლიათ. სცენარი, როგორც წესი, ერთნაირია ხოლმე: თამაშზე "შემჯდარი" ბავშვები, გაცოფებული მშობლები და დანგრეული ურთიერთობები. ახლა იმავე გზას Fortnite მიჰყვება - ეს ონლაინ-თამაში ეპიდემიის სისწრაფით იკრებს პოპულარობას და დიდი შანსია, თქვენც "დაინფიცირებული" იყოთ.

ფორტნაიტი 2017 წელს გამოვიდა და მას ყოველთვიურად 40 მილიონზე მეტი ადამიანი თამაშობს. ასე რომ, გასაკვირი არაა, თუ დიდ ბრიტანეთში განქორწინებული წყვილებიდან 200-მა განქორწინების მიზეზებში სწორედ ეს თამაში მიუთითა (მხოლოდ დიდ ბრიტანეთში და ისიც მხოლოდ 2018 წელს!).

აღსანიშნავია ისიც, რომ უფრო და უფრო მეტი წყვილი ცდილობს, განქორწინების მიზეზად რაიმე "განსხვავებული" დაასახელოს, მაგალითად "შენ რომ ეკრანის წინ არ გაგევლო, ვაიომინგელი ბავშვი არ მომკლავდა, ასე რომ, სახლი მე უნდა დამრჩეს". იუმორის გათვალისწინებითაც კი, 200 განქორწინება სახუმარო სულაც არაა.

ასე რომ, სანამ Fortnite-ის თამაშს დაიწყებდეთ, გადაამოწმეთ, გაუძლებს თუ არა თქვენი ურთიერთობა ამ დარტყმას.