ნათია მეზვრიშვილი: დღეს თუ უვიზო მიმოსვლას გაგვიუქმებენ, იქნება მხოლოდ ხელისუფლების პასუხისმგებლობა

პარტია გახარია საქართველოსთვის ერთ-ერთი ლიდერის, ნათია მეზვრიშვილის თქმით, თუ EU-მ საქართველოს უვიზო მიმოსვლა გაუუქმა, ეს არც "დიფ სთეითის" და არც გლობალური ომის პარტიის მხრიდან შანტაჟის ბრალი არ იქნება. ის ამაზე პასუხისმგებლობას ოცნების ხელისუფლებას აკისრებს.
"თავის დროზე ვიზა ლიბერალიზაცია მივიღეთ ხელისუფლების მიერ კანონის უზენაესობის, ადამიანის უფლებების დაცვის და დემოკრატიის მიმართულებით რეფორმების გატარების გამო. არანაირი დიფ სთეითი და გლობალური ომის პარტია არ იყო ამაში ჩართული. საჯარო მოხელეებმა ეს ყველაზე კარგად იციან. ამისთვის ვასწორებდით დღეს და ღამეს. დღეს თუ უვიზო მიმოსვლას გაგვიუქმებენ, იქნება მხოლოდ ხელისუფლების პასუხისმგებლობა, რომელმაც სრულად გააჩერა მომავალი რეფორმები და მის მიერ წარსულში გატარებული რეფორმებიც უკან წაიღო. ანუ, ესეც არანაირი დიფ სთეითის და გლობალური ომის პარტიის მხრიდან შანტაჟის ბრალი არ იქნება.
უვიზო მიმოსვლის გაუქმება ნიშნავს ათასობით ქართველისთვის ვიზების დაუსრულებელ რიგში დგომას, სოლიდური სავიზო მოსაკრებლების გადახდას, დასაქმების და ხელფასის ცნობის აღებას (რასაც ყველა ვერ იღებს იმიტომ, რომ თვითდასაქმებულია ან უმუშევარი), მგზავრობის მიზნობრიობის დამადასტურებელი დოკუმენტაციის წარდგენას, რაც ყოველთვის უდიდეს რესურსთან იყო დაკავშირებული და ა.შ. ანუ, უვიზო რეჟიმის გაუქმება საქართველოს ბევრი მოქალაქისთვის ნიშნავს პრაქტიკულად ევროპაში სიარულის აკრძალვას იმიტომ, რომ ისინი უბრალოდ ვერ დააკმაყოფილებენ ვიზის აღების უზარმაზარ ბიუროკრატიულ მოთხოვნებს. ეს არის უდიდესი ტვირთი ქართველი სტუდენტებისთვის, მათი ოჯახებისთვის და ევროპაში დროებით დასაქმებულებისთვის. უვიზოს გაუქმება თანაბრად შეეხება მათ შორის ოცნების ამომრჩეველს.
რა თქმა უნდა, მე ამ გადაწყვეტილება მხარს არ ვუჭერ და არც არასოდეს ვუჭერდი. თუ ეს მოხდება, რისხვა შეგიძლიათ მხოლოდ ოცნებისკენ მიმართოთ", — წერს ნათია მეზვრიშვილი.
- დავით მათიკაშვილი: ევროკავშირი უფრო და უფრო ემსგავსება საბჭოთა კავშირს
- გია ვოლსკი: [უვიზოს გაუქმებით] ევროპა საერთოდ გადახაზავს, ყველა პრინციპს და ეს საქართველოს არ ეხება მხოლოდ. [ევროკავშირს] მარიონეტული რეჟიმი სჭირდება საქართველოში.
- თამარ ჩერგოლეიშვილი: უვიზო მიმოსვლაში უნდათ ქოცებსაც — არ არსებობს ქოცი, რომელიც გეტყვის, რომ "მე არ მინდა უვიზო მიმოსვლა ევროპაში".
- ნიკა გვარამია: იმედია, ქოცს მანამდე გადავაგდებთ, ვიდრე უვიზოს მოხსნა გადაწყდება!
- უვიზო მიმოსვლა ნამდვილად კომფორტულია, მაგრამ თუ კომფორტი წინააღმდეგობაში მოდის პატრიოტიზმთან, ქართველი ხალხი დარჩებოდა თავისი ქვეყნის პატრიოტად — წილოსანი უვიზო რეჟიმის გაუქმებაზე
- გიორგი გახარია: "ოცნება" ცდილობს წინასწარ შეგვაგუოს ევროპაში თავისუფალი, უვიზო მიმოსვლის დაკარგვას
- შალვა პაპუაშვილი: ღვთიური მანანაა უვიზო მიმოსვლა? ჩვენც უვიზო გვაქვს გერმანელებისთვის და რა?
- EU 61 ქვეყნისთვის ვიზების გაცემის წესების გამკაცრებას გეგმავს — რის გამო შეიძლება შეუჩეროს EU-მ საქართველოს უვიზო მიმოსვლა?
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
კომენტარები